હિંમતનગરના સવગઢમાં રહેતી એક યુવતીના અંદાજિત ચાર વર્ષ અગાઉ મોડાસાના એક યુવકે સાથે લગ્ન થયા બાદ તેણીના સાસરીયાઓએ દહેજના બહાને સવગઢની આ યુવતીને કાઢી મુકી હતી.
ત્યારબાદ બ્લેકમેલ કરી યુવતીના પિતા પાસેથી રૂપિયા 20 લાખ પડાવી લીધા હતા. આ અંગે યુવતીએ મોડાસાના ત્રણ સાસરીયા વિરુદ્ધ હિંમતનગર પોલીસ સ્ટેશનમાં ફરીયાદ નોંધાવી હતી. અંજુમબાનુ ઈસ્લામભાઈ લુહારએ નોંધાવેલી ફરીયાદમાં કરેલા આક્ષેપ મુજબ તેણીના લગ્ન મોડાસાના જાગીર તલાવ વિસ્તારમાં રહેતા એક પરિવારમાં ચાર વર્ષ અગાઉ થયા હતા.
જ્યાં મોડાસાના રીજવાનખાન એહમદખાન લુહાર રૃકસાનાબહેન એહમદખાન લુહાર અને ફેસલખાન એહમદખાન લુહારે ધંધા કરવાના બહાને અંજુમબાનુના પિતા પાસેથી રૂપિયા 20 લાખ તથા અંજુમબાનુના દરદાગીના લઈ લીધા હતા.
ત્યારબાદ તેને કાઢી મૂકી હતી અને રૂપિયા 20 લાખ પરત ન આપી અંજુમબાનુનો બિભત્સ વિડિયો બનાવી તેના પિતા પાસેથી દહેજ પેટે ફરી રૂપિયા 25 લાખની માગણી કરી ધમકી આપી હતી.
આ ઉપરાંત અંજુમબાનુને મારઝુડ કરી માનસિક ત્રાસ આપી તેના પરિવારને જાનથી મારી નાખવાની ધમકી આપતા અંજુમબાનુએ ત્રણેય સાસરીયા વિરોધ બુધવારે હિંમતનગર ગ્રામ્ય પોલીસ સ્ટેશનમાં ફરીયાદ નોંધાવી હતી.