મોડાસામાં પત્નીને મળવા આવેલો પોલીસ પતિ અચાનક જ થયો ગૂમ.પોલીસખાતામાં ફરજ બજાવતી પત્નીએ નોંધાવવી પડી ગૂમ થયાની ફરિયાદ
પોલીસ દંપતી અચાનક પડી ગયું વિખૂટું
પત્નીને મળવા આવેલો પોલીસ પતિ અચાનક ગૂમ
પોલીસ ખાતામાં જ નોકરી કરતી પત્નીએ નોંધાવી ફરિયાદ
'હું આપને શી મદદ કરી શકું છું' આ પ્રકારના પોસ્ટર્સ તમે જોયા હશે.પણ પોલીસ પરિવારને માંદાદ જોઈએ તો જવું તો પોલીસ મથકે જ પડે છે. પ્રજાના રક્ષક અને કાયદાના રખેવાળ ખુદ લાપતા થઇ જાય અને તેમનો પરિવાર બહાવરો બનીને શોધ્યા કરે તેવી ઘટનાને તમે કેવી ગણશો? મોડાસામાં બની છે આવી ઘટના. સૌરાષ્ટ્રના દ્વારકામાં પોલીસમાં ફરજ બજાવતો યુવક અચાનક જ ગૂમ થી જતા પત્નીએ આખરે પોલીસમથકમાં ફરિયાદ નોંધાવવી પડી છે. જોવાની વાત એ છેકે, ફરિયાદી મહિલા પણ મોડાસા શહેરના પોલીસ વિભાગના કર્મચારી છે.
નાસ્તો લેવા ગયેલો પતિ,પાછો જ ના ફર્યો .
મોડાસામાં 'ટોક ઓફ ધ ટાઉન' બનેલી આ ઘટનામાં, એક પોલીસકર્મી કે જે સૌરાષ્ટ્રના દ્વારકામાં ફરજ બજાવે છે.તે પોતાની પત્નીને મળવા રજા લઇ મોડાસા આવ્યો હતો.પત્ની પણ મોડાસા શહેરના પોલીસ વિભાગમાં ફરજ બજાવે છે.બંને અલગ-અલગ જગ્યાએ એક જ ખાતામાં ફરજ બજાવતા હોય રજા લઇ એક-બીજા સાથે રહેતા હોય છે.પતિ રજા લઇ મોડાસા આવ્યો હતો.રવિવારે પોલીસકર્મી પતિ,નાસ્તો લેવા ભાર નીકળ્યો હતો. પત્નીએ ખુબ રાહ જોઈ પણ પતિ પાછો ના ફર્યો. આમ કરતા-કરતા ત્રણ દિવસ વીતી ગયા. પતિ અંગે ના તો કોઈ સંદેશ,કે ના કોઈ ખબર. પતિ અચાનક તો કેવી રીતે કહ્યા-કારવ્યા વગર જતો રહે ? હાંફળી-ફાંફળી પત્ની ખુદ પોલીસમથકે પહોચી અને પોતાના પોલીસકર્મી પતિ રવિવારથી જ ગૂમ થયાની ફરિયાદ નોંધાવી દીધી.
ફરજ પરના પોલીસમથકમાં કરાઈ જાણ
મહિલા પોલીસકર્મીનો રજા લઈને દ્વારકાથી આવેલો ખાતાનો જ માણસ આમ ગૂમ થઇ જાય,તેનું સમગ્ર પોલીસ બેડાને અચરજ થયું છે. હવે સ્થાનિક પોલીસે દ્વારકામાં તાર ઝણઝણાવી ત્યાંની પોલીસને જાણ કરી છે કે,તમારો કર્મચારી મોડાસામાં ગૂમ થયો છે અને તેની ફરિયાદ અહીં નોંધાઈ છે.હવે મોડાસા પોલીસ,ગૂમ થયેલા કર્મીને શોધવા આકાશ-પાતાળ એક કરી રહી છે