હોબાળો / શિક્ષણ જગતને લાંછન: અરવલ્લીમાં શિક્ષકે વિદ્યાર્થીનીઓ સાથે બીભત્સ ભાષામાં કરી વાત, ગામ લોકોએ જબરો પાઠ ભણાવ્યો

• અરવલ્લીમાં શિક્ષણ જગતને લાગ્યુ લાંછન
• શિક્ષક દ્વારા બીભત્સ ભાષાનો પ્રયોગ
• વિદ્યાર્થીની સાથે બીભત્સ ભાષામાં વાતચીત

અરવલ્લી જિલ્લામાં શિક્ષણ જગતને લાંછન લગાડતો કિસ્સો સામે આવ્યો છે, બાયડ તાલુકાના જુના ઊંટરડા ગામે આવેલી પ્રાથમિક શાળામાં અભ્યાસ કરતી વિદ્યાર્થીનીઓ સાથે શાળાના શિક્ષક પર બીભત્સ ભાષામાં વાતચીત કર્યાનો આરોપ લગાવતા હડકંપ મચી ગયો છે. 

ધોરણ 6, 7, 8ની વિદ્યાર્થીઓ સાથે બીપીન પટેલ નામનો લંપટ શિક્ષક વાંરવાર બીભત્સ ભાષામાં વાતચીત કરતો હતો. જેથી વિદ્યાર્થીનીઓએ પોતાના વાલીઓને આ વાતની જાણ કરતાં શાળામાં લોકોએ ભેગા મળી હોબાળો મચાવ્યો હતો. લંપટ શિક્ષક બીપીન પટેલની આ વર્તણુક અંગે પોલીસને પણ જાણ કરવામાં આવી હતી. જેથી પોલીસે આ લંપટ શિક્ષકની ધરપકડ કરી લીધી છે. ઉલ્લેખનીય છે કે, આરોપી શિક્ષકે તેનો ગુનો પણ કબુલ્યુ છે કે તે બીભત્સ ભાષામાં વિદ્યાર્થીનીઓ સાથે વાતચીત કરતો હતો.

શિક્ષકનું શું કહેવું છે?
શિક્ષકે ખુલાસામાં કહ્યું છે કે વિજ્ઞાનમાં અમુક એવા પાઠ આવે છે જેને હું ભણાવી રહ્યો હતો ભૂલથી 2 3 શબ્દો બીભત્સ નીકળી ગયા હતા માટે છોકરાઓ હોબાળો મચાવી વાલીઓને ફરિયાદ કરી હતી. 

ગુજરાતમાં અલગ અલગ ત્રણ શાળાએ લગાવ્યુ શિક્ષણ જગતને લાંછન
સર્વ શિક્ષા અભિયાન અંતર્ગત સરકારી શાળા શિક્ષકોને આંતર વૈયકિત સંબંધો, સર્જનાત્મક વિચારણા, સ્કૂલ મેનેજમેન્ટ,  વર્તન-વ્યવહાર તાલીમ આપવામાં આવે છે પરંતુ આજે રાજ્યના વિવિધ શાળાઓથી જે ખબર સામે આવી છે તેને લઈ ના માત્ર સરકારના સર્વ શિક્ષા અભિયાનની પોલ ખુલી છે પરંતુ સાથે સમગ્ર શિક્ષણ જગતને એક કાળી ટીલી પણ લાગી છે. જેમાં વેરાવળની ABPS સ્કૂલની ધોરણ 2ની વિદ્યાર્થીની સાથે લાઈટિંગનું કામ કરવા આવેલા યુવકે જાતીય સતામણી કરવામાં આવી હતી. ઘટનાને પગલે જ્યારે વાલીઓ સ્કૂલ મેનેજમેન્ટ પાસે રજૂઆત કરવા પહોંચ્યા ત્યારે સ્કૂલ મેનેજમેન્ટે વાલીઓની રજૂઆત ધ્યાને લેવાને બદલે ઉદ્ધતાઈ પૂર્વક વર્તન કર્યુ હતુ. તો બીજી તરફ અરવલ્લીના જૂના ઊંટરડા ગામના લંપટ શિક્ષક ધોરણ 6,7,8ની વિદ્યાર્થીનીઓ સાથે અવાર-નવાર બીભત્સ ભાષામાં વાતચીત કરતા શિક્ષકની પોલીસે ધરપકડ કરી છે. એવામાં નડિયાદથી નોલેજ સ્કૂલની પણ એક કથિત ઓડિયો ક્લીપ વાયરલ થઈ છે. જેમાં શિક્ષક કબૂલી રહ્યો છે કે, શાળામાં નમાજ પઢવા માટે અલગ રૂમ આપવામાં આવે છે. આમ અલગ અલગ સ્થળે શાળાના શિક્ષકોનુ જે પ્રકારના વર્તન અને વ્યવહાર સામે આવ્યા છે. તેને લઈ સવાલો ઉઠી રહ્યા છે કે, આવા શિક્ષકો સમાજને સુધારની દિશા તરફ લઈ જશે શકે છે ?