કાયદો અને વ્યવસ્થા / ગુજરાતના આ 5 જિલ્લામાં PI, PSI કક્ષાના નવા 19 પોલીસ સ્ટેશનની ભેટ, જુઓ સમગ્ર યાદી

• ગુજરાતમાં નવા પોલીસ મથક બનાવવાની મંજૂરી
• ગુજરાતના 5 જિલ્લામાં PI, PSI કક્ષાના નવા 19 પોલીસ સ્ટેશનો
• 8 નવી આઉટપોસ્ટને પણ અપાઈ મંજૂરી

ગુજરાતના પોલીસ વિભાગમાં પોલીસ સ્ટેશનની કામગીરીને લઈ મહત્વના સમાચાર સામે આવ્યા છે. ગુજરાતના 5 જિલ્લામાં PI, PSI કક્ષાના નવા 19 પોલીસ સ્ટેશનો અને 8 નવી આઉટપોસ્ટને મંજૂરી આપવામાં આવી છે. આ તમામ પોલીસ સ્ટેશનો, આઉટ પોસ્ટ અને અપગ્રેડેશન માટે રૂ. 47.18 કરોડના ખર્ચે 1401 જગ્યાઓની મંજૂર મળી છે.

મહત્વનું છે કે, થોડા દિવસ અગાઉ અરવલ્લીના માલપુર તાલુકામાં આવેલા અણિયોરમાં પોલીસ સ્ટેશન બનાવવાની માગ ઉઠી હતી. આઉટપોસ્ટ પોલીસ ચોકીમાં 30થી વધુ ગામના લોકોનો સમાવેશ થાય છે. આ વિસ્તારના લોકોએ પોલીસ સ્ટેશન બનાવવાની માગ કરી હતી. ત્યારે આ પ્રકારની પોલીસ વિભાગની સમસ્યાઓનું સમાધાન લાવવા માટે નવા પોલીસ મથક ઉભા કરવા અને નવી આઉટ પોસ્ટને લઈ મહત્વના સમાચાર છે. 

• સુરત શહેરમાં નવા પાંચ વેસુ, સારોલી, પાલ, ઉતરાણ અને અલથાણ પોલીસ સ્ટેશન
• અને ગ્રામ્ય વિસ્તારમાં નવા ૩ અનાવલ, મઢી, ઝંખવાવ પોલીસ સ્ટેશન મંજૂર
• વડોદરા શહેર ખાતે - ૪ નવા અકોટા, કપુરાઇ, કુંભારવાડા પોલીસ સ્ટેશન મંજૂર
• રાજકોટ ગ્રામ્યમાં 3 નવા જેતપુર, ઉદ્યોગનગર, ધોરાજી તાલુકા પોલીસ સ્ટેશન મંજૂર
• ભરૂચ જિલ્લામાં ૨ નવા પાનોલી અને ઝઘડીયા GIDC ખાતે પોલીસ સ્ટેશન મંજૂર
• વલસાડ જિલ્લામાં વલસાડ રૂરલ, પારડી અને ડુંગરા તથા નવસારી જિલ્લામાં
• વિજલપોર પોલીસ સ્ટેશનને તથા બનાસકાંઠા જિલ્લામાં પાલનપુર પો.સ્ટે અને
• અમીરગઢ પો.સ્ટે ને PSI કક્ષામાંથી અપગ્રેડ કરી PI કક્ષાના પોલીસ સ્ટેશનો બનાવાશે
• સુરત ગ્રામ્યમાં ઉમરા અને કોસંબા નેશનલ હાઇવે તથા ભરૂચ જિલ્લામાં મોટવાણ અને
• અંદાડા પર નવી આઉટ પોસ્ટ કાર્યરત કરાશે.
• અરવલ્લી જિલ્લામાં ટીટોઇ આઉટપોસ્ટને અપગ્રેડ કરી PI કક્ષાનું પોલીસ સ્ટેશન
• બનાવાશે.
• કચ્છ- ભૂજ ખાતે મંજૂર કરાયેલ માધાપર પોલીસ સ્ટેશનનો ઇ-શુભારંભ કરવામાં આવ્યો.

ગૃહ રાજ્યમંત્રી પ્રદિપસિંહ જાડેજાએ જણાવ્યું કે, રાજ્યના નાગરિકોને વધુ સુરક્ષિત કરવા માટે અને કાયદો-વ્યવસ્થાની પરિસ્થિતિ વધુ સઘન બને તે માટે રાજ્યના પોલીસ તંત્રમાં ઉત્તરોત્તર વધારો કરીને નવા પોલીસ સ્ટેશનો કાર્યરત કરવામાં આવી રહ્યા છે. જેના ભાગરૂપે રાજ્યના પાંચ જિલ્લાઓમાં PI/ PSI કક્ષાના ૧૯ પોલીસ સ્ટેશનો કાર્યરત કરવાનો રાજ્ય સરકારે મહત્વનો નિર્ણય કર્યો છે. આ ઉપરાંત વલસાડ જિલ્લાના વલસાડ રૂરલ, પારડી અને ડુંગરા, નવસારી જિલ્લાના વિજલપોર પોલીસ સ્ટેશનને તથા બનાસકાંઠા જિલ્લામાં પાલનપુર પો.સ્ટે અને અમીરગઢ પો.સ્ટે ને PSI કક્ષામાંથી અપગ્રેડ કરી PI કક્ષાના પોલીસ સ્ટેશનો બનાવાશે. તેમજ સુરત ખાતે ઉમરા, કોસંબા-નેશનલ હાઇવે અને ભરૂચ ખાતે મોટવાણ અંદાડા પર નવી આઉટ પોસ્ટ કાર્યરત કરાશે. આ માટે રૂ. ૪૭.૧૮ કરોડના ખર્ચે કુલ ૧૪૦૧ નવી જગ્યાઓ મંજૂર કરવામાં આવી છે.