BIG BREAKING / ગુજરાતના નવા મુખ્ય સચિવ તરીકે IAS રાજકુમારની નિમણૂંક, હાલમાં છે ગૃહવિભાગના ACS

• ગુજરાતને મળ્યા નવા મુખ્ય સચિવ
• રાજકુમાર બન્યા નવા મુખ્ય સચિવ
• હાલ ગૃહવિભાગના ACS છે રાજકુમાર

1987ની બેચના IAS અધિકારી રાજકુમારને રાજ્યના નવા ચીફ સેક્રેટરી બનાવાયા છે. પંકજ કુમારના સ્થાને રાજકુમારની નિમણૂંક કરવામાં આવી છે. હાલમાં રાજકુમારગૃહ અને ઉદ્યોગ વિભાગના અધિક મુખ્ય સચિવ છે. 

પંકજ કુમારને રાજ્ય સરકારે આપ્યું હતું એક્સટેન્શન
મહત્વનું છે કે,  1986ની બેચના IAS ઓફિસર અને ગુજરાત સરકારના મુખ્ય સચિવ પંકજકુમાર અગાઉ 2022માં નિવૃત્ત થયા હતા. પરંતુ રાજ્ય સરકારે 31 જાન્યુઆરી 2023 સુધી તેમને એક્સટેન્શન આપ્યું હતું. ગુજરાત સરકારના મુખ્ય સચિવ પંકજકુમારનું એક્સટેન્શન 31 જાન્યુઆરી  2023ના રોજ પૂર્ણ થવા જઈ રહ્યું છે. ત્યારે હવે ગૃહ અને ઉદ્યોગ વિભાગના અધિક મુખ્ય સચિવ રાજકુમારને નવા ચીફ સેક્રેટરી બનાવાયા છે.  ત્યારે નવા મુખ્ય સચિવ કોણ હશે તે ચર્ચાઓનો હવે અંત આવ્યો છે. 

મુખ્ય સચિવ તરીકે આ નામો હતા ચર્ચામાં 
ગુજરાતના મુખ્ય સચિવ પંકજ કુમારનું એક્સટેન્શન 31 જાન્યુઆરીએ પૂરું થઈ રહ્યું હોવાથી આગામી મુખ્ય સચિવ કોણ બનશે? કોણ બનશે મુખ્યમંત્રી ભૂપેન્દ્ર પટેલના નવા સારથી? આ અંગે ચર્ચા શરૂ થઈ ગઈ હતી.  મુખ્ય સચિવ પદ માટે ઘણા વરિષ્ઠ IAS અધિકારીઓના નામની ચર્ચા ચાલી રહી હતી. જેમાં ગૃહ અને ઉદ્યોગ વિભાગના અધિક મુખ્ય સચિવ રાજ કુમારનું નામ મોખરે હતું. જ્યારે કેન્દ્રમાં રહેલા એસ. અપર્ણા, બી.બી શ્વેન,  કૃષિ વિભાગના અધિક મુખ્ય સચિવ મુકેશ પુરી, પંચાયત અને ગ્રામ ગૃહ નિર્માણના અધિક મુખ્ય સચિવ વિપુલ મિત્રાનું નામ પણ ચર્ચામાં હતું. 

કોણ છે નવા મુખ્ય સચિવ?
- રાજકુમાર ઉત્તરપ્રદેશના બદાઉનથી છે. 
- તેઓ 1987ની ગુજરાત કેડરના અધિકારી છે. 
- રાજકુમારે IIT કાનપુરથી ઈલેક્ટ્રિકલ એન્જિનિયરિંગ કરેલું છે. 
- જાપાનના ટોક્યોથી પબ્લિક પોલિસીમાં માસ્ટર ડિગ્રી મેળવી છે.
- એક વર્ષ પહેલા ગૃહ વિભાગના એડિશનલ ચીફ સેક્રેટરી તરીકે નિમણૂક કરાઈ હતી.
- આ પહેલા ડેપ્યુટશન પર દિલ્હી ખાતે ફરજ બજાવતા હતા.