BIG NEWS / IPS લોબીમાં ગુજરાતનો વધ્યો દબદબો, ઇતિહાસમાં પહેલી વખત રાજ્યના એક ઝાટકે 25 પોલીસ અધિકારીઓની IPS તરીકે નિમણૂક

• IPS લોબીમાં ગુજરાતનો વધ્યો દબદબો
• ગુજરાત કેડરના 25 પોલીસ અધિકારીઓની IPS તરીકે નિમણૂક
• માર્ચ મહિનામાં ગુજરાત સરકારે નોમિનેટ કરી મોકલ્યા હતા નામ

ગુજરાતના ઇતિહાસમાં આવુ ક્યારેય બન્યુ નથી કે એક સાથે ગુજરાત કેડરના 25 પોલીસ અધિકારીઓની IPS તરીકે નિમણૂક થઈ હોય. માર્ચ મહિનામાં ગુજરાત સરકારે નોમિનેશન માટે લિસ્ટ મોકલ્યા બાદ આજે તેમની નિમણૂકની મંજૂરીની મહોર મારી દેવામાં આવી છે. મહત્વનું છે કે  અત્યારસુધી ગુજરાતમાં IPS અધિકારીઓની નિમણૂક 2:1 રેસિયો પર થતી આવી છે, જેમાં ડાયરેક્ટ UPSC ક્લિયર કરનાર 2, GPSC ક્લિયર કરીને પ્રમોશન લેનાર 1 IPS હોય છે.

IPS લોબીમાં ગુજરાતીઓનો દબદબો
આઇપીએસ ઑફિસર એટલે કે ઇન્ડિયન પોલીસ ઑફિસરનું પદ મળવુ એ ગૌરવપૂર્ણ અને પ્રતિષ્ઠતાભર્યુ માનવામાં આવે છે. અનેક યુવાઓની આઇપીએસ બનવાની ઇચ્છા હોય છે. જે માટે તેઓ દિવસ રાત એક કરીને તનતોડ મહેનત કરતા હોય છે.  જો કે પોતાનામાં સિવિલ સર્વિસિસનો જુસ્સો હોવો પણ જરુરી છે. ત્યારે હવે ગુજરાત માટે ગૌરવપૂર્ણ અને મહત્વની ઘટના બનવા જઇ રહી છે. કારણ કે હવે આ કેડરમાં પણ ગુજરાતીઓનો દબદબો જોવા મળશે. જી, હા  એકસાથે  25 અધિકારીઓ આઇપીએસ અધિકારી બની ગયા છે.વર્ષ 2011ની બેચના અધિકારીઓને આઇપીએસ નોમિનેટ કરવામાં આવ્યા બાદ હવે નિમણૂક થતાં  25 જેટલા ગુજરાતી એક સાથે આઇપીએસ અધિકારી બનશે. આ તમામની નોમિનેશન માટેની ક્લિયરીંગ પ્રોસેસ પણ પૂર્ણ થયા બાદ આ નિર્ણય લેવામાં આવ્યો હતો.આ નિમણૂક બાદ આઇપીએસ લોબીમાં ગુજરાતીનો દબદબો વધશે તેમાં કોઇ બે મત નહી.

 જુઓ કયા 25 પોલીસ અધિકારીઓની IPS તરીકે નિમણૂક મળી

2011ની બેચના અધિકારીઓની IPS તરીકે નિમણૂક
સુરતના DCP પન્ના મોમાયા, અમદાવાદ કંટ્રોલ રૂમના DCP ડો.હર્ષદ પટેલ તથા અમદાવાદ શહેરના ઝોન-4 DCP રાજેશ એચ.ગઢિયા સહિત 25  DySPને IPS તરીકે નિમણૂક આપવામાં આવી છે.