સોશિયલ મીડિયામાં વાયરલ થયો વીડિયો, માસ્ક પહેરવાથી શરીરમાં વધે છે કાર્બન ડાયોક્સાઇડ ? વીડિયો જોઇને લઇને મૂંઝાયા
કોરોનાથી બચવા માટે માસ્ક પહેરવાનું કહેવામાં આવે છે. લોકોને માસ્ક ન પહેરવા પર દંડ કરવામાં આવે છે પરંતુ સોશિયલ મીડિયામાં માસ્ક પહેરવાને લઇને કંઇક અલગ જ ચર્ચાઓ ચાલી રહી છે. કહેવામાં આવી રહ્યુ છે કે વધુ સમય માસ્ક પહેરી રાખવાથી આપણા શરીરમાં કાર્બન ડાયોક્સાઇડનું પ્રમાણ વધીજાય છે. જે શરીર માટે લાંબાગાળે ખતરનાક છે.
આ વીડિયો જગાવી ચર્ચા
ઝારખંડના જામતાડામાં કોંગ્રેસના ધારાસભ્ય અને એમબીબીએસ ડોક્ટર ઇરફાન અંસારીએ કહ્યુ કે લાંબા સમય સુધી માસ્ક પહેરવાથી શરીરમાં કાર્બન ડાયોક્સાઇડનું પ્રમાણ વધી જાય છે. આ વીડિયો સોશિયલ મીડિયામાં ઘણો વાયરલ થયો છે. જે બાદ લોકોમાં પણ સવાલ થઇ રહ્યા છે કે શું ખરેખર લાંબો સમય સુધી માસ્ક પહેરવાથી CO2 વધે ? એક તરફ કોરોનાથી બચવા માટે માસ્ક પહેરવાનું કહેવામાં આવે છે, ડોક્ટર પણ માસ્ક પહેરવા પર ભાર આપી રહ્યા છે પરંતુ આ વીડિયોએ તો કંઇક અલગ જ ચર્ચાઓ શરુ કરી શકે છે.
#WATCH "...I am saying as an MBBS doctor that there should not be prolonged mask usage. One should wear a mask in crowds. There is no need to panic during this third wave of COVID19...": Dr. Irfan Ansari, Congress MLA from Jamtara, Jharkhand yesterday pic.twitter.com/NyNvMdFxtl
ના, લાંબા સમય સુધી માસ્ક પહેરવાથી તમારા શરીરના CO2 સ્તરમાં વધારો થતો નથી. અમેરિકાની હેલ્થ એજન્સી સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) એ સ્પષ્ટ કર્યું છે કે માસ્ક વિશે સોશિયલ મીડિયા પર આપવામાં આવેલી માહિતી સાચી નથી. લાંબા સમય સુધી માસ્ક પહેરવાથી CO2 નું સ્તર વધતું નથી. સીડીસીએ સમજાવ્યું કે કેવી રીતે માસ્કમાંથી CO2 બહાર આવે છે.
માસ્ક કોરોના સામે કેવી રીતે કામ કરે છે?
નિષ્ણાંતો માસ્કને રક્ષણાત્મક કવચ માને છે. તેઓના મત અનુસાર માસ્ક જ એક એવુ હથિયાર છે જે આપણને વાયરસથી બચાવે છે.જ્યારે તમે ભીડવાળી જગ્યાએ હોવ અને કોઈ ચેપગ્રસ્ત વ્યક્તિ તમારા સંપર્કમાં આવે, ત્યારે માસ્ક તમને હવાના ટીપાં એટલે કે ટીપાંમાં રહેલા વાયરસને અટકાવીને ચેપથી બચાવે છે.
માસ્ક પહેરવાથી એક વ્યક્તિથી બીજામાં કોરોના ફેલાવાની શક્યતા ઘટી જાય છે, પરંતુ માસ્ક પહેરતી વખતે અને ઉતારતી વખતે તમારે કેટલીક બાબતોનું ધ્યાન રાખવું પડશે. જો તમે તેને ખૂબ કાળજી સાથે પહેરતા નથી, તો તે તમને કોરોના વાયરસથી બચાવી શકશે નહીં.
આ પ્રકારના માસ્ક ન પહેરવા
સિંગલ લેયર માસ્ક ન ખરીદવા
સિંગલ લેયર માસ્ક કોરોના સામે રક્ષણ આપવામાં અસરકારક નથી.
જો માસ્ક પહેરવામાં ઢીલું લાગે છે, તો તેને પહેરશો નહીં