વાળ ખરવા, સફેદ થવા, ડેન્ડ્રફ, ડલ હેર જેવી પ્રોબ્લેમની સારવાર આયુર્વેદમાં ઉપલબ્ધ છે. તેના માટે તમારે ઘરમાં એક પેક બનાવવાનું રહેશે. જે વીકમાં એક વખત લગાવવાનું છે.
વાળ ખરવાની સમસ્યા ખૂબ જ વધતી જઈ રહી છે
આ એક બેસ્ટ હેરપેક બધી જ સમસ્યા કરશે ખતમ
તમે ઘરે જ તેને લગાવીને વાળને હેલ્ધી બનાવી શકો છો
આ પેકને એક મહિના સુધી લગાવવાથી જ તમારી તમામ પ્રોબ્લેમ્સ દૂર થવાની શરૂઆત થઈ જશે. વાળ સફેદ થવાની સમસ્યા હોય કે પછી ખોડો થવાની પરેશાની હોય, વાળ રૂક્ષ થઇ ગયા હોય, વધારે પ્રમાણમાં ખરતાં હોય તેના માટેનો શ્રેષ્ઠ ઉપાય આ હેરપેક છે. જો તમે બ્યૂટિપાર્લરમાં જવા ન માગતાં હો, તો ઘરે જાતે જ આ હેરપેક લગાવીને તમારા વાળની કાળજી રાખી શકો છો.
આ રીતે પેક કરો તૈયાર
આ પેક બનાવવા માટે તમારે સૌથી પહેલા એક લોખંડની કડાઈમાં એક ગ્લાસ પાણી ગરમ કરવાનું છે. લોખંડની કડાઈમાં આ પેકની અસર વધુ થાય છે. જો લોખંડની કડાઈ ન હોય તો તમે કોઈ બીજા વાસણનો ઉપયોગ કરી શકો છો.
પાણી જ્યારે ગરમ થઈ જાય તો તેમાં 2 ચમચી આમળાનો પાઉડર નાખો. તેના પછી તેને 5 મિનિટ સુધી ઉકાળો. પછી તેને ઠંડું થવા દો.
હવે તેમાં 2 ચમચી મહેંદી મિક્સ કરો. આ કંડીશનિંગનું કામ કરે છે. તેના પછી તમારે તેમાં 2 ચમચી ભૃંગરાજ પાઉડર મિક્સ કરવાનો છે. આ પાઉડર વાળને કાળા કરવાની સાથે જ અન્ય પ્રોબ્લેમ્સને પણ દૂર કરશે.
તેના પછી તમારે આ પેકમાં 2 ચમચી શિકાકાઇ પાઉડર મિક્સ કરવાનો છે. આ પાઉડર વાળને ખરતા અટકાવે છે સાથે જ ડેન્ડ્રફ અને ખંજવાળ જેવી પ્રોબ્લેમ્સને દૂર કરે છે.
તેના પછી તમારે આ પેકમાં 2 ચમચી હિબિસકસ (જાસૂદના ફૂલનો) પાઉડર નાખવાનો રહેશે. આ પાઉડર વાળને મજબૂત બનાવવાની સાથે જ તેને શાઇન આપે છે. હવે પેકમાંની બધી વસ્તુઓ પાણી સાથે બરાબર મિક્સ કરી દેશો તો તે બનીને તૈયાર છે.
તમે આ પેકથી વાળમાં કલર લાવવા માંગતા હોવ તો આ પેકમાં ચાનું પાણી, કાથો અને થોડી કોફી પાણીમાં ઉકાળી એ પાણીનો ઉપયોગ કરવો અને સાથે જ મેંદીની માત્રા થોડી વધારી દેવી.
તમે તમારા વાળની લંબાઈ પ્રમાણે અહીં જણાવેલી તમામ વસ્તુઓમાં વધઘટ કરી શકો છો. આ તમામ વસ્તુઓ નેચરલ છે જેની તેની કોઈ આડઅસર થશે નહીં.
જો તમારી પાસે ટાઇમ હોય તો તેને આખી રાત રહેવા દો. પરંતુ સમયનો અભાવ હોય તો તેને એક કલાક માટે રાખી મૂકો પછી ઉપયોગમાં લો.
આ વાતનું ધ્યાન રાખો
આ પેકને તમારે વાળ ધોયા પછી ઉપયોગમાં લેવાનો છે. પેકને જ્યારે લગાવો ત્યારે વાળ જરા પણ ઓઇલી ન હોવા જોઈએ. પેકને એક કલાક માટે વાળમાં લગાવી રાખો. તેને વાળના મૂળમાં સરખી રીતે લગાવવાનું છે. 1 કલાક પછી તેને ઠંડા પાણીથી ધોઈ લો. પેક ધોયા પછી શેમ્પૂ નથી કરવાનું. નહીં તો તેની અસર ખતમ થઈ જશે. રાતના વાળમાં તેલની માલિશ કરો અને બીજા દિવસે શેમ્પૂથી વાળ ધોઈ લો.