એમરિકાની ટેક જાયન્ટ કંપની એપલે આઇફોન 11 સિરીઝના ફોનની સાથે આઇઓએસ 13 ઓપરેટિંગ સિસ્ટમ પણ રોલ આઉટ કરી છે. આ ઉપરાંત એપલની સ્માર્ટ વોચ માટે વોચ ઓએસ 6.0નું અપડેટ પણ આપ્યું છે. જેમાં વોઇસ મેમો સહિતના ફિચર પણ સામેલ છે.
એપલ વોચ 4 સિરીઝ પહેરનારા યુઝર્સ માટે મહત્વપૂર્ણ ફિચર
ઇસીજી એપની મદદથી ઇલેક્ટ્રો કાર્ડિયોગ્રામ રેકોર્ડ કરી શકાશે
કાર્ડિયાગ્રામ કાઢીને માત્ર 30 સેકન્ડમાં ડિસપ્લે પર બતાવશે
હવે એપલ વોચ પરથી સીધી એપ પણ ડાઉનલોડ થઇ શકશે. જોકે સૌથા મહત્વનું ફિચર છે ઇરેગ્યુલર હાર્ટ રિઝમ. એપલ વોચ 4 સિરીઝ પહેરનારા યુઝર્સ હવે તેમાં રહેલી ઇસીજી એપની મદદથી તેમનો ઇલેક્ટ્રો કાર્ડિયોગ્રામ રેકોર્ડ કરી શકશે.
એપલની વોચ સિરીઝ 5 કે જે ભારતમાં પણ લોન્ચ થઇ રહી છે તેમાં આ ફિચર સામેલ હશે. એપલની વોચમાં આ ફિચર એકદમ એડવાન્સ્ડ કહેવાય છે. તમારા હદયમાં કોઇ સમસ્યા હશે તો ઇસીજી એપ તેને મોનિટર કરીને તમને વોર્નિંગ આપશે.
વોચની પાછળની સાઇડમાં આ માટે કાર્ડિયોગ્રામ મશીનમાં હોય છે તેવા ઇલેકટ્રોડ આપવામાં આવ્યા છે. જે તરત જ કાર્ડિયાગ્રામ કાઢીને માત્ર 30 સેકન્ડમાં ડિસ્પ્લે પર બતાવશે. તેને પીડીએફ કોર્મેટમાં ડાઉનલોડ કરીને યુઝર ડોકટરને મોકલી શકશે. ઉલ્લ્ખનીય છે કે એપલે 2018માં તેની સ્માર્ટ વોટને મોટા ડિસપ્લે અને વધુ ફાસ્ટ પ્રોસેસર સાથે રિડિઝાઇન કરી હતી.
સિરિઝ 5ની વોચમાં ઓલ્વેઝ ઓન ડિસપ્લેનું ફિચર પણ એડ કરવામાં આવ્યું છે. તેમાં નવી ટેકનોલોજીનું લો ટેમ્પરેચર પોલી સિલિકોનનો ડિસ્પ્લે છે. જે ડાયરેકટ સુર્ય પ્રકાશમાં પણ સારી રીતે જોઇ શકાય તેટલો બ્રાઇટ છે. તેમાં રહેલું એમ્બિયન્ટ લાઇટ સેન્સર બહારની લાઇટ મુજબ ડિસ્પ્લેની બ્રાઇટનેસ એડજસ્ટ કરે છે. જેમ કે અંધારું હોય કે એકદમ ઓછી લાઇટ હોય ત્યારે આપોઆપ ડિસપ્લે ડીમ થઇ જાય છે.