ચેતવણી / હવે એપલની કાંડા ઘડિયાળ પહેરવી પણ જોખમી, Watch Series 7માં બ્લાસ્ટ થતા યુવાન હોસ્પિટલ ભેગો

• ઈલેક્ટ્રોનિક્સ સાધનોમાં બ્લાસ્ટથી વધુ એક ઘટના 
• અમેરિકામાં એપલની વોચમાં થયો હોસ્પિટલ
• જે યુવાને પહેરી હતી તેને હોસ્પિટલ લઈ જવો પડ્યો 
• Apple Watch Series 7 ગરમ થઈને ફાટી ગઈ 
• AppleInsideના રિપોર્ટમાં દાવો 

ઈલેક્ટ્રોનિક્સ સાધનોમાં બ્લાસ્ટ અને તેને કારણે ઈજાની ઘટનાઓ વધતી જાય છે. દેશ-દુનિયામાં મોબાઈલ અને એલઈડી ટીવીમાં બ્લાસ્ટ અને તેને કારણે મોત અને ઈજાની ઘટનાની વચ્ચે હવે એપલની કાંડા ઘડિયાળ પણ ગરમ થઈને ફાટી શકે છે તેવી એક ઘટના અમેરિકામાં સામે આવી છે.   

બારી બહાર ફેંકવા ગયો ત્યારે ઘડિયાળમાં થયો બ્લાસ્ટ 
અમેરિકાના નેવાર્કના એક શહેરમાં 28 વર્ષીય યુવાનની એપલની કાંડા ઘડિયાળમાં બ્લાસ્ટ થયો હતો અને તેને કારણે તેને ઈજા થઈ હતી. 9to5macના રિપોર્ટ અનુસાર, એક વ્યક્તિએ દાવો કર્યો હતો કે તેની એપલ વોચ 7 વધુ પડતી ગરમ થઈ ગઈ હતી અને ફાટી ગઈ હતી. અહેવાલ મુજબ આ વ્યક્તિએ એપલ વોચ 7 પહેરી હતી અને તેને અચાનક લાગ્યું કે ડિવાઇસ વધુ ગરમ થઈ રહ્યું છે. તાપમાનમાં વધારો થવા લાગ્યો અને તેને સ્માર્ટવોચ તરફથી ઉચ્ચ તાપમાનની ચેતવણી પણ મળી.
બીજા જ દિવસે, જ્યારે તેણે ફરીથી ઘડિયાળ તરફ જોયું, ત્યારે ખબર પડી કે ઊંચા તાપમાનને કારણે ઘડિયાળનું ડિસ્પ્લે વિખેરાઈ ગયું હતું આ પછી તેણે ઘડિયાળને ઉપાડીને બારી બહાર ઘા કર્યો હતો અને બરાબર તે જ સમયે તેમાં બ્લાસ્ટ થયો હતો અને તે ફાટી ગઈ હતી. 

યુવાન દાઝ્યો, લીડ પોઇઝનિંગના ડરથી હોસ્પિટલમાં દાખલ થયો  
કાંડા ઘડિયાળમાં થયેલા વિસ્ફોટથી યુવાન પલંગ પર દાઝી ગયો હતો. આ ઘટના બાદ સલામતી માટે તેમણે લીડ પોઇઝનિંગના ડરથી હોસ્પિટલની મુલાકાત પણ લીધી હતી. જ્યારે તેને સ્વાસ્થ્યને કોઈ ગંભીર નુકસાન થયું ન હતું, ત્યારે તેણે એપલ સપોર્ટનો સંપર્ક કર્યો હતો અને તેમને પરિસ્થિતિ વિશે માહિતગાર કર્યા હતા. આખરે કંપનીએ આ ડિવાઇસ માટે પિકઅપની વ્યવસ્થા કરી હતી અને આ મામલાની તપાસ પણ કરી રહી છે. એપલનું કોઈ ઈલેક્ટ્રોનિક સાધન ફાટ્યું હોય તેવી આ કંઈ પહેલી ઘટના નથી. 2021માં પણ આઇફોન એક્સમાં વિસ્ફોટને કારણે એક વ્યક્તિને હોસ્પિટલમાં દાખલ કરવો પડ્યો હતો.