ના હોય / એક સ્માર્ટ વોચે બચાવ્યો મહિલાનો જીવ, હોસ્પિટલ જતા થયો ચોંકાવનારો ખુલાસો

• એપલ વોચે મહિલાનો જીવ બચાવ્યો 
• હાર્ટ રેટ 169 પર મિનિટ થઇ ગઈ હતી   
• સમય પર જાણ ન થઈ હોત તો જીવ જતો રહ્યો હોત 

એપલ વોચના લીધે કોઈ વ્યક્તિને મરતા બચાવી શકાય આ બાબત માનવામાં આવે તેમ નથી પરંતુ તેવું જ કંઇક અમેરિકાના મિશિગનમાં રહેતી ફીનસ્ટરા નામની મહિલા સાથે બન્યું છે. એપલ વોચે ફીનસ્ટરાની હાર્ટ રેટ વધતા એલર્ટ કરીને તેમનો જીવ બચાવી લીધો છે.

ફીનસ્ટરાએ જીવ બચાવવાવનો શ્રેય એપલ વોચને આપ્યો 
દુખાવો વધતા ફીનસ્ટરા હોસ્પિટલમાં ગઈ ત્યાં ખબર પડી કે, તેમની વિડો મેક આર્ટરીમાં ફૂલ બ્લોકેજ હતું. જો આ બાબત સમય પર ખબર ન પડતી તો તેમનો જીવ પણ જઈ શકતો હતો. તેમનો જીવ બચાવવાનો શ્રેય તેમણે એપલ વોચને આપ્યો કારણ કે વોચના લીધે જ ફીનસ્ટરાને ખબર પડી કે તેમની હાર્ટ રેટ ખુબ જ વધી ગઈ છે અને સહેજ પણ રાહ જોયા વગર તે હોસ્પિટલ જતા રહ્યા.

  
મહિલાઓમાં હાર્ટ એટેકના લક્ષણો પુરુષો કરતા અલગ હોય છે
ડોકટરે જણાવ્યું કે, મહિલાઓમાં હાર્ટ એટેકના લક્ષણો પુરુષોની સરખામણીમાં અલગ હોય છે. ફીનસ્ટરાના ડાબા હાથમાં દુખાવો થઇ રહ્યો હતો તે સાથે જ તેમના ડાબા પગમાં સોજો પણ આવી ગયો હતો. દુખાવો દૂર કરવા માટે તેમણે મસલ્સની કસરત કરી પણ એ અસરદાર રહી નહી.

હાર્ટ એટેક આવ્યાનો ખ્યાલ પણ નહોતો આવ્યો
હાર્ટ રેટ વધતાની સાથે જ તેમને તરત હોસ્પિટલમાં મોકલી દેવામાં આવ્યો ત્યાં ખબર પડી કે, તેમને હાલમાં જ હાર્ટ એટેક આવ્યો હતો પરંતુ તેમણે આ વિશે ખબર પણ નહોતી પડી. ફીનસ્ટરાએ જણાવ્યું કે, માત્ર 12 પગલા જ ચાલ્યા પછી તેમની હાર્ટ રેટ 169 પર મિનિટ થઇ ગઈ હતી.