સોમવારે એપલે અંતે ios 12 રિલીઝ કરી દીધું છે. ત્રણ મહિનાથી વધારે બીટા ટેસ્ટિંગ બાદ કંપનીએ નવા આઇઓએસને જારી કર્યું છે. જે તમામ આઇફોન અને આઇપેડ પર કામ કરશે. નવું આઇઓએસ સપોર્ટ આઇફોન 5એસ અને ત્યાર બાદથી સ્માર્ટફોનને સપોર્ટ કરશે જ્યારે આ તમામ આઇપેડ અને આઇપેડ પ્રો મોડલ આઇપેડ પાંચમી જનરેશન અને ત્યાર બાદથી દરેક મોડલ પર કામ કરશે.
નવા આઇઓએસને ઇન્સ્ટોલ કરવું ખૂબ જ સરળ છે. એના માટે તમારી પાસે સારું ઇન્ટરનેટ કનેક્શન હોવું જોઇએ તમે એપલ ડિવાઇસ પર આઇઓએસ 12 ઇન્સ્ટોલ કરવા માટે તમારે સેટિંગમાં જવું પડશે ત્યારબાદ જનરલ પર જાવ અને પછી સોફ્ટવેર અપડેટ પર ક્લિક કરો.
ત્યારબાદ સ્ક્રીન પર તમને આપવામાં આવેલા નિર્દેશ ફોલો કરવા પડશે. એ વાતનું ધ્યાન રાખો કે તમારો આઇફોન વાઇ-ફાઇ પર કનેક્ટ હોય. ફોનને અપડેટ કરવા માટે તમારો ડેટા બેકઅપ રાખી લો. એવું પણ ધ્યાન રાખો કે તમારો ફોન 50 ટકાથી વધારે ચાર્જ હોય અથવા તો તમારી પાસે ચાર્જિંગ સોર્સ હોય.
એપલના નવા આઇઓએસ 12માં ઘણા ખાસ ફીચર્સ મળનાર છે. નવા આઇઓએસમાં કંપનીએ 3D ફેસ રિકોગ્નાઇઝેશનને સારું બનાવ્યું છે. તો નવા અપડેટમાં યૂઝરને મલ્ટી યૂઝર એઆર એપ મળશે. એપલે એમાં નવી શોર્ટકટ એપ આપી છે. આ શોર્ટકટને યૂઝર પોતાની સુવિધા પ્રમાણે સેટ કરી શકે છે. યૂઝરને એન્ડ ટૂ એન્ડ એન્ક્રિપ્શન મળશે.