આવિષ્કાર / ફેસ-ફિંગરપ્રિન્ટ સિવાય હવે ગાલ અને કાનથી પણ અનલૉક થશે iPhone

પોતાની નવી શોધ માટે પ્રખ્યાત ટેક કંપની એપલે ફોન અનલૉક કરવા માટે નવી રીત શોધી છે. આ ફિચર્સ હેઠળ યૂઝર્સ આંગળી, ગાલ અને કાનને સ્ક્રીન પણ ક્યાંય પણ ટચ કરશે તો ફોન અનલૉક થઇ જશે. કંપનીએ પોતાની નવી ટેક્નિકને પેટન્ટ પણ કરાવી દીધી છે. આશા છે કે, સપ્ટેમ્બરમાં લોન્ચ થતા એપલ આગામી iPhoneમાં નવા ટચઆઇડી ફિચર ગ્રાહકોને મળી રહેશે તેવી શક્યતા જણાઈ રહી છે.

શું છે આ ફિચર:
 
- આ પેટન્ટ સૌથી પહેલાં પેટન્ટલી એપલે શોધી હતી. કંપનીએ તેને સપ્ટેમ્બર 2016માં ફાઈલ કરી હતી, જેનું શીર્ષક 'મેથડ્સ ઓફ બાયોમેટ્રિક ઈમેજિંગ ઓફ ઈનપુટ સર્ફેશ' એવું હતું. જોકે, કંપનીએ તેને આ સપ્તાહમાં જ પબ્લિશ કર્યું છે. 

- આ ફિચર નવી સિસ્ટમમાં ફ્રન્ટ ફેસિંગ ડિસ્પ્લેમાં આપેલા ફિંગરપ્રિન્ટ રીડર સાથે જ છે. સ્ક્રીન પર આંગળી રાખીને યુઝર્સ iPhone અનલોક કરી શકે છે. કોઈપણ સ્થળે પેમેન્ટ ચૂકવવા માટે માત્ર સ્ક્રીનને ટચ કરી પાસવર્ડ નાખવાનો રહેશે. 

- આ પેટન્ટમાં ખાસ બાબત એ છે કે, એપલ સેન્સરનો ઉપયોગ કરીને યુઝર્સ તેના ગાલ અને કાનથી ફોન અનલોક કરી શકશે.

- આ નવુ ટચ આઇડી સિસ્ટમ, ટ્રેડિશનલ સિસ્ટમ જે એપલે પહેલા iPhone 5Sમાં જારી કર્યુ તેના કરતા અલગ છે. ટચ આઇડી, હોમ બટન અને નીચે આપેલા ફિંગરપ્રિન્ટ ટિડર પર આંગળી રાખવા પર કામ કરે છે જે ડિવાઇસના બૉટમમાં આપવામાં આવ્યુ છે. 

- ત્યારથી કંપની પોતાના નવા મોડલમાં એઝ ટૂ એઝ ડિસ્પ્લે આવવા લાગ્યે જેમાં સ્ક્રીન પર બિલ્ટ ઇન ફિંગર સેન્સર મળે છે. પરંતુ નવી ટેક્નિક પછી યૂઝરને સ્ક્રીન પર ક્યાંય પણ ટચ કરીને ફોન અનલૉક કરવાની સુવિધા મળશે. 

'Samsung Galaxy S10'માં આ ટેકનિક ઉપલબ્ધ છે:

મીડિયા રિપોર્ટ મુજબ આ ટચ આઈડી સિસ્ટમ અન્ય ફીંગરપ્રિન્ટ સેન્સરની સરખામણીએ વધુ સુરક્ષિત છે. એપલ આવું ફીચર અને ટેક્નોલોજી લાવનારી પહેલી કંપની નથી. સાઉથ કોરિયન કંપની 'Samsung' તેના 'Galaxy S10' મોડેલમાં આ સિસ્ટમ લાગૂ કરી ચૂકી છે. તો huawei mate 20 pro માં પણ ઈન ડિસ્પ્લે ફિંગરપ્રિન્ટ રીડરનું ફીચર ઉપલબ્ધ છે.