નવુ / કાચનો સ્માર્ટફોન! Apple લઈને આવે છે એવો iPhone કે ફીચર્સ સાંભળીને વિશ્વાસ નહીં થાય

• Apple માર્કેટમાં લઇને આવવાનો છે કાચનો iPhone
• એપલે યુએસની ઓફિસમાં iPhone ની પેટન્ટ ફાઈલ કરી દીધી
• Apple Watch અને ઓલ ગ્લાસ Mac Pro Tower ની વાત કહી

કાચનો iPhone

છેલ્લાં ઘણાં સમયથી આ અહેવાલ માર્કેટમાં ચાલી રહ્યાં હતા કે એપલ એક કાંચના આઈફોન પર કામ કરી રહ્યો છે. ઉલ્લેખનીય છે કે, આ અહેવાલને કન્ફર્મ કરી દેવામાં આવ્યાં છે. મહત્વનું છે કે, એપલે યુએસ પેટન્ટસ એન્ડ ટ્રેડમાર્ક ઓફિસમાં એક ઓલ ગ્લાસ iPhone ની પેટન્ટ ફાઈલ કરી દીધો છે અને આ સાથે એક ઓલ ગ્લાસ Apple Watch અને ઓલ ગ્લાસ Mac Pro Tower ની પણ વાત કહી છે. Patently Apple નું આ કહેવુ છે કે એપલના આ પેટન્ટમાં એક એવા iPhone ને બતાવવામાં આવ્યો છે,  જે છ સાઈડથી કાચના બિડાણ સાથે ઘેરાયેલુ છે. આવો જાણીએ આ પેટન્ટમાં બીજુ શું બતાવવામાં આવ્યું છે.

પેટન્ટ શું કહે છે? 

Patently Apple મુજબ, પેટન્ટની ભાષા ખૂબ મુશ્કેલ છે. પરંતુ આખા પેટન્ટને જોઈને એવુ કહી શકાય છે કે આ સ્માર્ટફોન એક ગ્લાસ બોક્સ છે, જે iPhoneના ફીચર્સની સાથે આવે છે. પેટન્ટ અનુસાર, આ ફોનમાં બે ગ્લાસ મેમ્બર્સ હશે. ફોનના ગ્લાસ રીઝન્સમાં ડીફોર્મેશન્સની માહિતી મેળવવા માટે આ ફોન એક ખાસ ફોર્સ-સેન્સિંગ સિસ્ટમની સાથે આવી શકે છે. જેની ડિસ્પ્લે એવી હશે કે આરપાર જોવા મળશે.

એપલ 1 વર્ષમાં ઘણાં સારા પેટન્ટ્સ ફાઈલ કરે છે 

અહીં તમને જણાવવાનું કે એપલ એક વર્ષમાં ઘણા સારા પેટન્ટ્સ ફાઈલ કરે છે. પરંતુ દરેક પેટન્ટ પર કામ કરવામાં આવે અને તેને માર્કેટમાં લોન્ચ કરવામાં આવે એવુ જરૂરી નથી. તેથી અત્યારે એવુ ના કહી શકાય કે એપલ ખરેખર એક કાચના iPhone પર કામ કરશે કે નહીં અને તેને લોન્ચ કરવામાં આવશે કે નહીં. અત્યારે એપલની કાચની વોચ અને મેક પ્રો ટાવર અંગે કોઈ માહિતી સામે આવી નથી.