iPhone બાદ કાર લોન્ચ કરશે એપ્પલ..! ટૂંક સમયમાં થશે જાહેરાત

અમેરિકામાં આવેલ એપલ કંપનીએ દુનિયાને બેસ્ટ સ્માર્ટફોન આપ્યો છે. પરંતુ હવે કંપની Apple કાર લઈને આવી રહી છે. તેની ખાસિયતોમાં છે કે આ કાર ડ્રાઇવરલેસ હોઈ શકે.

કંપનીએ સ્પષ્ટતા કરી હતી કે તે ડ્રાઇવરલેસ કાર બનાવવા પર કામ કરી રહી છે.આઈફોનની ટેકનિક પર કામ કરતી કેલિફોર્નિયાની કંપનીએ હવે સેલ્ફ ડ્રાઇવિંગ કાર્સમાં રુચિ લીધી હોવાની વાત પાક્કી છે. સાથે કંપનીના આ પ્લાન જાણવાના પ્રયાસો શરૂ થઈ ગયા છે.

Iphone નિર્માતા પોતાની કારને 2023 થી 2025 વચ્ચે લોંચ કરી શકે છે. મેકરુમર્સની એક રિપોર્ટમાં જણાવ્યા અનુસાર એપલ પોતાની સેવા ઓગુમેંટેડ રિયાલિટી હેંડસેટ અને એપ્પલ કાર કારોબારથી 2000 અરબ ડોલરની માર્કેટ કેપને હાંસલ કરવાવાળી કંપની બની જશે.

આપને જણાવી દઇએ કે આ વિશ્લેષક પહેલા તાઇવાન કંપની KGI સિક્યોરીટી સાથે જોડાયેલા હતા. તેમણે રોકાણકારોને એક નોંધ મોકલી હતી જેમાં આગામી સમયમાં લોંચ થનારી આ એપ્પલ કંપનીની કારનો ઉલ્લેખ કર્યો હતો. 

ઉલ્લેખનીય છે કે આ રિપોર્ટમાં જણાવવામાં આવ્યું છે કે એપ્પલ 2023 થી 2025 ના સમયગાળા દરમિયાન આ કાર લોંચ થશે. આ ગાડી કંપનીની એક ઓળખાણ બનીને રહેશે. કૂઓનું જણાવવું છે કે એપ્પલની ગાડીઓ એવી જ રીતે ક્રાંતિ લાવશે જેવી રીતે આઇફોને 2007માં લાવી હતી. જો કે આ ગાડી મામલે કંપનીએ કોઇપણ પ્રકારની સ્પષ્ટતા કરી નહોતી.