એપલનો બેક ટુ સ્કૂલ પ્રોગ્રામ
એપલનો બેક ટુ સ્કૂલ પ્રોગ્રામને ફરીથી લોન્ચ કરવામાં આવ્યો છે. આ પ્રોગ્રામ હેઠળ કોલેજના વિદ્યાર્થીઓને ડિસ્કાઉન્ટ સાથે આઇપેડ અને મેક ખરીદવાની તક મળશે. સૌથી મહત્વની વાત એ છે કે આ પ્રોગ્રામ હેઠળ આઇપેડ અથવા મેકબુક ખરીદવા પર ફ્રી રિપેર ઓફર સાથે એરપોડ ફ્રીમાં ઉપલબ્ધ થશે. આ સાથે જ તમને છ મહિના માટે એપલ મ્યુઝિકનું સબ્સક્રિપ્શન પણ મળશે. એપલના બેક ટુ સ્કૂલ પ્રોગ્રામનો લાભ 22 સપ્ટેમ્બર, 2022 સુધીમાં લઈ શકાશે. આ પ્રોગ્રામ હેઠળ વેચવાના ઉપકરણોની યાદી પણ કંપની દ્વારા જાહેર કરવામાં આવી છે. આ પ્રોગ્રામ હેઠળ ગ્રાહકોને Apple Care+ સાથે 20 ટકા ડિસ્કાઉન્ટ પણ મળશે.
વિદ્યાર્થીઓ, શિક્ષકો અને કર્મચારીઓને મળશે લાભ
આ કાર્યક્રમ હેઠળ વિદ્યાર્થીઓ, શિક્ષકો અને કર્મચારીઓ iPad Air 5th જનરેશનને 50,780 રૂપિયામાં ખરીદી શકશે, જ્યારે તેની હાલની કિંમત 54,900 રૂપિયા છે. ગ્રાહકો ડિસ્કાઉન્ટ સાથે 11 ઇંચના આઇપેડ પ્રો (થર્ડ જનરેશન) અને 12.9 ઇંચના આઇપેડ પ્રો (5th જનરેશન) પણ ખરીદી શકશે. 11th જનરેશનના આઇપેડ પ્રોને 68,300 રૂપિયામાં ખરીદી શકાશે.
MacBook પણ આ પ્રોગ્રામમાં સસ્તામાં મળશે
એપલે આ પ્રોગ્રામ હેઠળ MacBook Air M2 અને MacBook Pro M2 ને પણ ડિસ્કાઉન્ટ સાથે ઉપલબ્ધ કરાવ્યા છે. M2 MacBook Air ને 1,09,900 રૂપિયામાં ખરીદી શકાય છે, જ્યારે M2 MacBook Pro ને 1,19,900 રૂપિયામાં ખરીદી શકાય છે. તે જ સમયે M1 MacBook Air ને 89,900 રૂપિયાની પ્રારંભિક કિંમતે ખરીદી શકાશે.
એરપોડ્સ ફ્રીમાં મળશે
MacBook Pro 14 ઇંચને M1 Pro અને M1 Max ચિપ બંને સાથે 1,75,410 રૂપિયાની પ્રારંભિક કિંમતે ખરીદી શકાશે. 16 ઇંચ MacBook Pro 2,15,910 રૂપિયામાં મળી રહી છે. M1 iMac ના 24 ઇંચના મોડલને 1,07,910 રૂપિયામાં ખરીદી શકાશે. આ ઓફર હેઠળ જે ગ્રાહકો કોઈ પણ પ્રોડક્ટ ખરીદશે તેમને એરપોડ્સ ફ્રીમાં મળશે. આ ઓફર હેઠળ AirPods Gen 3 ને પણ 6,400 રૂપિયામાં અપગ્રેડ કરી શકાશે.