અમેરિકાની ટેક દિગ્ગજ અને આઈફોન બનાવનારી કંપની એપલ ભારતમાં મહત્વનું રોકાણ કરવાની સાથે પોતાના વર્ક ફોર્સ, એપ્સ અને સપ્લાયર પાર્ટનર દ્વારા અંદાજે 10 લાખ નોકરીઓને સપોર્ટ કરી રહી છે.
એપલ ભારતમાં 10 લાખ નોકરીઓને કરી રહી છે સપોર્ટ
છેલ્લાં બે દાયકાથી વધુ સમયથી કરી રહી છે વેપાર
2017થી એપલે બેંગલુરૂમાં આઈફોનનું મેન્યુફેકચરિંગ શરૂ કર્યુ
2017થી એપલે આઈફોનનું મેન્યુફેક્ચરિંગ શરૂ કર્યુ
કંપનીની વાઈસ પ્રેસિડેન્ટ પ્રિયા બાલાસુબ્રમણ્યમે ગુરૂવારે આ વાત કહી છે. બેંગલુરૂ ટેક સમિટ-2021ને સંબોધન કરતી વખતે બાલાસુબ્રમણ્યમે કહ્યું કે ભારતમાં એપલ છેલ્લાં બે દાયકાથી વધુ સમયથી વેપાર કરી રહી છે અને વર્ષ 2017થી એપલે બેંગલુરૂ સ્થિત પ્લાન્ટમાં આઈફોનનું મેન્યુફેક્ચરિંગ શરૂ કર્યુ છે.
બેંગલુરૂ અને ચેન્નઈમાં સ્થિત Apple પ્લાન્ટસનો વિસ્તાર
તેમણે કહ્યું, ત્યારબાદ અમે બેંગલુરૂ અને ચેન્નઈમાં સ્થિત પોતાના પ્લાન્ટનો વિસ્તાર કર્યો છે. જ્યાંથી સ્થાનિક માર્કેટ અને નિકાસ માટે આઈફોનના ઘણાં મૉડલનું મેન્યુફેક્ચરીંગ કર્યુ છે. અમે પોતાની સપ્લાય ચેનની સાથે પોતાના ઓપરેશનના વિકાસ અને પહોંચનો વિસ્તાર અને સ્થાનિક સપ્લાયર સાથે જોડાવવા માટે દેશમાં મહત્વનું રોકાણ કરી રહ્યાં છે.
આ મૉડલ ભારતમાં એસેમ્બલ કરવામાં આવ્યાં
આઈફોન 11, નવા આઈફોન એસઈ અને આઈફોન 12 જેવા મૉડલ કંપની સપ્લાયર્સ-પાર્ટનર દ્વારા ભારતમાં એસેમ્બલ કરવામાં આવ્યાં છે. તેમણે કહ્યું કે એપલ ભારતમાં આજે લગભગ 10 લાખ નોકરીઓનું સમર્થન કરે છે.