ટેકનોલોજી / Apple હવે સીધા સેટેલાઇટથી મોબાઇલ પર ડેટા મોકલશે

રિપોર્ટમાં જણાવાયું છે કે એપલ કોઈપણ સેટેલાઇટ પર સંપૂર્ણ રીતે કામ કરી રહ્યું નથી, પરંતુ એક એવું ટ્રાન્સમિશન ડિવાઇસ બનાવવાની તૈયારી કરી રહ્યું છે જેના દ્વારા ડેટા સરળતાથી શેર કરી શકાય. આ ટેકનિક દ્વારા, એપલ ડિવાઇસમાં કોઈપણ જગ્યાએથી ડેટા મોકલી શકાય છે. ઉપરાંત સેટેલાઇટ ટેકનોલોજીથી યુઝર્સનું ચોકકસ લોકેશન જાણી શકાશે.

એપલે આ પ્રોજેક્ટમાં સેટેલાઇટના અનેક નિષ્ણાતોને સામેલ કર્યા હોવાનું કહેવાય છે. જેમાં સ્કાયબોક્સ ઇમેજિંગના ભૂતપૂર્વ વિદ્યાર્થી માઇકલ ટ્રેલા અને જોન ફેનવિકનો સમાવેશ થાય છે. તેઓ ટીમનું નેતૃત્વ કરી રહ્યા છે. આ બંને અગાઉ ગૂગલની સેટેલાઇટ અને સ્પેસક્રાફટ ટીમનું નેતૃત્વ કરી ચુક્યા છે.

આ બે ઉપરાંત  એપલની ટેકનિકલ ટીમમાં એરોસ્પેસ કોર્પોરેશનના ભૂતપૂર્વ એક્ઝિક્યુટિવ એશલે મૂર વિલિયમ્સ, તેમજ વાયરલેસ નેટવર્કિંગ અને કન્ટેન્ટ ડિલિવરી નેટવર્ક ઉદ્યોગોના મુખ્ય નિષ્ણાતો છે. એપલની આ ટેકનીકનો હેતુ સીધો અવકાશમાંથી ડેટા નેટવર્ક પ્રોવાઇડ કરવાનો છે. જોકે  એપલે હજી સુધી આ અહેવાલ પર કોઈ પ્રતિક્રિયા આપી નથી.