ગજબ / એલન મસ્ક આખા જીવનમાં જેટલું કમાયા એટલા પૈસા Apple એ એક દિવસમાં ભેગા કર્યા, બનાવી દીધો રેકૉર્ડ

• એપલની માર્કેટ કેપ ગુરૂવારે 191 અબજ ડોલર ઉછળી 
• એક દિવસમાં માર્કેટ કેપમાં સૌથી મોટો ઉછાળ 
• તેના પહેલા આ રેકોર્ડ એમેઝોનના નામે હતો 

ગુરુવારે અમેરિકાના શેરબજારોમાં જોરદાર તેજી જોવા મળી હતી. આનાથી માર્કેટ કેપની દ્રષ્ટિએ વિશ્વની સૌથી મોટી કંપની એપલને પણ ઘણો ફાયદો થયો. iPhone બનાવતી આ કંપનીનું માર્કેટ કેપ એક જ દિવસમાં 191 અબજ ડોલર વધી ગયું છે. આ વિશ્વના સૌથી અમીર એલોન મસ્કની નેટવર્થ કરતાં વધુ છે. 

બ્લૂમબર્ગ બિલિયોનેર્સ ઇન્ડેક્સ અનુસાર, મસ્કની કુલ સંપત્તિ 184 અબજ ડોલર છે. ગુરુવારે એપલના માર્કેટ કેપમાં 190.8 અબજ ડોલરનો વધારો થયો છે. કોઈપણ યુએસ લિસ્ટેડ કંપનીના ઈતિહાસમાં આ સૌથી વધુ છે. આ પહેલા આ રેકોર્ડ એમેઝોનના નામે હતો. કંપનીએ ફેબ્રુઆરીમાં એક જ દિવસમાં 190.8 અબજ ડોલરની કમાણી કરી હતી.

એપલના શેરમાં આવ્યો આટલો મોટો ઉછાળ 
એપલના શેરમાં ગુરુવારે 8.8 ટકાનો વધારો થયો હતો. જેનાથી કંપનીનું માર્કેટ કેપ 2.34 ટ્રિલિયન ડોલર થઈ ગયું હતું. જોકે આ વર્ષે કંપનીના શેર 17 ટકા ઘટ્યા છે. માર્કેટ કેપના હિસાબથી એપલ પછી સાઉદી અરામકો, માઇક્રોસોફ્ટ, આલ્ફાબેટ, એમેઝોન, બર્કશાયર હેથવે, ટેસ્લા, યુનાઇટેડ હેલ્થ, જોન્સન એન્ડ જોન્સન અને એક્સોન મોબી ટોપ 10માં છે.

એમેઝોનનો રેકોર્ડ 
આ દરમિયાન વિશ્વની સૌથી મોટી ઈ-કોમર્સ કંપની એમેઝોનના શેરમાં પણ ગુરુવારે 12.18 ટકાનો વધારો થયો હતો. આ સાથે કંપનીનું માર્કેટ કેપ 985.79 અબજ ડોલર પર પહોંચી ગયું છે. કંપનીના સ્થાપક જેફ બેઝોસની નેટવર્થમાં 10.5 અબજ ડોલરનો વધારો થયો છે. 

જો કે, કંપની સાથે એક અનિચ્છિત રેકોર્ડ પણ છે. કંપની 1 લાખ કરોડ ડોલર માર્કેટ કેપ ગુમાવનાર પ્રથમ લિસ્ટેડ કંપની બની છે. આ પહેલા બુધવારે કંપનીના શેરમાં 4.3 ટકાનો ઘટાડો થયો હતો. આનાથી કંપનીની માર્કેટ વેલ્યુ 879 અબજ ડોલર રહી ગઈ હતી. જુલાઈ 2021માં કંપનીનો માર્કેટ વેલ્યુ રેકોર્ડ 1.88 લાખ કરોડ ડોલર સુધી પહોંચી ગયો હતો.