Health Tips / વેટ લોસ માટે એપ્પલ સાઈડર વિનેગરનું સેવન કરતા લોકો ખાસ વાંચો, શરીરને થાય છે આ ગંભીર નુકસાન

• એપલ સાઈડ વિનેગરનું સેવન પડી શકે ભારે 
• શરીરને થઈ શકે છે આ નુકસાન 
• જાણો તેના ઉપયોગ અને નુકસાન વિશે 

વજન વધવું એ સામાન્ય સમસ્યા બની ગઈ છે. પરંતુ ઝડપથી વધતા વજનના કારણે આપણે સ્થૂળતાનો શિકાર બની શકીએ છીએ અને આવી સ્થિતિમાં શરીરમાં ઘણી સ્વાસ્થ્ય સમસ્યાઓ થવા લાગે છે. તેથી જ વજન ઘટાડવું જરૂરી બની ગયું છે અને જે લોકો આ ટ્રેન્ડને અનુસરે છે તેઓ રૂટિનમાં ઘણી ટ્રિક્સ કે ટિપ્સ ફોલો કરે છે. ઘણી વખત લોકો એવી રીતો અપનાવવા લાગે છે, જેનાથી તેમના સ્વાસ્થ્યને નુકસાન થવા લાગે છે. આમાંથી એક છે એપલ સાઇડર વિનેગર સંબંધિત ટીપ્સ.

શરીરને થઈ શકે છે ભારે નુકસાન 
નિષ્ણાંતોનું માનવું છે કે તેનાથી વજન ઓછું થાય કે ન થાય, પરંતુ તેના વધુ પડતા સેવનથી શરીરમાં અનેક સ્વાસ્થ્ય સમસ્યાઓ સર્જાઈ શકે છે. જો તમે પણ રૂટીનમાં એપલ સાઇડર વિનેગરનો ઉપયોગ કરો છો, તો તમારા માટે તેના નુકસાનને એકવાર જાણી લેવા ખૂબ જ જરૂરી છે.

પેટની સમસ્યા 
રોજ એપલ સાઇડર વિનેગરનું સેવન કરવાથી પેટ સંબંધિત સમસ્યાઓ થઈ શકે છે. નિષ્ણાંતોના મતે તે કેલરી બર્ન કરે છે. પરંતુ તે ગેસ્ટ્રોપેરેસિસની સમસ્યા પણ પેદા કરી શકે છે. આ સ્થિતિમાં પેટ સાફ કરવું મુશ્કેલ બની જાય છે. જ્યારે ગેસ્ટ્રોપેરિસિસથી પીડિત હોય ત્યારે, હૃદયના ધબકારા વધવા અથવા ઘટવા, સોજો અથવા ઉલટી જેવા લક્ષણો પણ જોવા મળે છે.

દાંતની સમસ્યાઓ
એપલ સાઇડર વિનેગરનું સતત સેવન કરવાથી પણ દાંતની સમસ્યા થઈ શકે છે. એવું માનવામાં આવે છે કે આના કારણે દાંતમાં સડો થવાની સમસ્યા શરૂ થઈ જાય છે. દાંત પીળા પડવા લાગે છે અને તેમાં રહેલું એસિડ પણ દાંતની સેન્સિટિવિટી વધારે છે. તમારે તેનું સેવન કરવું જોઈએ પરંતુ મર્યાદિત માત્રામાં. ઉપરાંત તેને તમારી દિનચર્યામાં સામેલ કરતા પહેલા ડૉક્ટરની સલાહ લેવી જરૂરી છે. 

પોટેશિયમ
શરીરમાં પોટેશિયમની ઉણપને કારણે હાઈપોકલેમિયા જેવી સ્વાસ્થ્ય સમસ્યાઓ થાય છે. નિષ્ણાંતોના મતે જો પોટેશિયમ ધીમે ધીમે ઓછું થઈ રહ્યું છે, તો તમારા હાડકાંમાં દુખાવો થઈ શકે છે. ઉપરાંત, હાડકાં તૂટવાની સંભાવના છે.