ટેકનોલોજી / એપલે બે વર્ષ બાદ લોન્ચ કર્યું સ્માર્ટ સ્પીકર ‘હોમપોડ’

એપલે આ ડિવાઇસની કિંમત રુપિયા 19,900 રાખી છે. જે અત્યારે મળતા કેટલીક જાણીતી બ્રાન્ડના સ્માર્ટ સ્પીકર્સ કરતાં વધારે છે.  હોમપોડ યુ.એસ., કેનેડા, ઓસ્ટ્રેલિયા, ફ્રાંસ, ચીન, હોંગ-કોંગ, જાપાન અને તાઇવાનની બજારમાં ઉપલબ્ધ છે.બીજી બાજુ એપલે આઇફોન અને આઈપેડ યુઝર્સ માટે આઇઓએસનું 13.3.1 અપડેટ પણ રોલઆઉટ કર્યું છે.

સ્પેસિફિકેશનની વાત કરીએ તો એપલ હોમપોડની લંબાઈ 7 ઇંચ છે. તેની સાથે જબરદસ્ત સાઉન્ડ ક્વોલિટી માટે હોમપોડમાં વૂફર્સ સાથે ડીપ બેસનું ફિચર આપવામાં આવ્યું છે. ઉપરાંત તેમાં છ માઇક્રોફોનનો સપોર્ટ મળશે.

જેના દ્વારા યુઝર વોઇસ કમાન્ડ આપી શકશે તેમજ તેની સાથે કનેકટ મોબાઇલમાં કોલ પણ કરી શકશે. અત્યારે હોમપોડ વ્હાઇટ અને ગ્રે એમ બે કલર વેરિઅન્ટમાં ઉપલબ્ધ છે. ઉલ્લ્ખનીય છે કે અત્યારે ભારતમાં ચાઇનીઝ બ્રાન્ડના અનેક રેન્જના વાયરલેસ ઇયરફોન અને સ્પીકર મળે છે. હાયર રેન્જમાં જેબીએલ અને બોઝના સ્પીકર વધુ પોપ્યુલર છે.