તમારા મોબાઇલ ફોનમાં ડાઉનલોડ કરેલી એપ કેટલી છે ? 5,10,15 કે તેથી પણ વધારે ?પણ તમને ખબર છે એન્ડ્રોઇડ ફોન માટેના ગુગલ પ્લે સ્ટોર અને એપલના એપ સ્ટોર પર કેટલી એપ છે ?
2019ના નાણાકીય વર્ષના પ્રથમ ત્રણ મહિનાના આંકડા જોઇએ તો પ્લે સ્ટોર પર એન્ડ્રોઇડ ફોનના યુઝર્સને 2.1 મિલિયન એટલ કે 21 લાખ એપમાંથી એપ ડાઉનલોડ કરવાની ચોઇસ મળે છે.જયારે એપલના એપ સ્ટોર પર હાલ 1.8 મિલિયન એટલ કે 18 લાખ એપ છે.જેમાં ફ્રી અને પેઇડ એપ્સનો સમાવેશ થાય છે.
\એપ્સની સોશિયલ મિડીયા,ગેમ્સ, યુટીલિટી,ટુલ્સ, કેમેરા, બિઝનેસ, કમ્યુનિકેશન, ડેટીંગ, એન્ટરટેઇન્મેન્ટ, ફાયનાન્સ,ફુડ એન્ડડ્રીંક,હેલ્થ-ફિટનેસ,લાઇફ સ્ટાઇલ,મેડિકલ,મ્યુઝીક,ન્યુઝ એન્ડ મેગેઝીન,વેધર,ટ્રાવેલ જેવી ઢગલાબંધ કેટેગરી છે.
પેઇડ એપ માટે દુનિયાભરના મોબાઇલ યુઝર્સ અબજો રુપિયા ખર્ચે છે.એક અહેવાલ અનુસાર 2019ના છ મહિનામાં ગુગલ પ્લે સ્ટોર અને એપસ્ટોરની એપ માટે 40 અબજ ડોલર ખર્ચાયા છે જે 2018ના પ્રથમ છ મહિનાની સરખામણીએ 15 ટકા વધુ છે.આઇફોનના યુઝર્સે એપ સ્ટોરમાંથી એપ ડાઉનલોડ કરવા 25.5 અબજ અને એન્ડ્રોઇડ યુઝર્સે પ્લે સ્ટોરની એપ માટે 14.2 અબજ ડોલરનો ખર્ચકર્યો હતો.
બંને પ્લેટફોર્મ પર ગેમીંગ એપ્સે સૌથી વધુ 29.6 અબજ ડોલરની કમાણી કરી હતી.ચાઇનીઝ જાયન્ટ કંપની ટેન્સેન્ટે સૌથી વધુકમાણી કરી હતી.તે પછીના નંબરે મોન્સ્ટર સ્ટ્રાઇક છે.નોન ગેમીંગ એપમાં ટીન્ડર ટોપ પર હતી.તે પછી નેટફલીક્સ અને તે પછી ટેન્સેન્ટના જ ટેન્સેન્ટ વિડીયોનો સમાવેશ થાય છે.છેલ્લા છ મહિનામાં એપ ડાઉનલોડમાં 11 ટકાનો વધારો થયો છે.સૌથી વધુડાઉનલોડ થયેલી એપમાં હજુ પણ વોટસ એપ,મેસેન્જર અને ફેસબુક અનુક્રમે પહેલા,બીજા અને ત્રીજા સ્થાને છે.