Apple ક્રેડિટ કાર્ડ થયું લૉન્ચ, હાઇ-સિક્યોરિટીથી લેસ અને દરેક વખતે મળશે કેશબેક

ટેકનોલૉજીની દિગ્ગજ કંપની Apple એ સોમવારે આયોજિત પોતાની ઇવેન્ટમાં એપલ ટીવી પ્લસ, એપn કાર્ડ, એપલ ન્યૂઝ પ્લસ, એપલ ટીવીએપ લૉન્ચ જેવી સેવાઓ લૉન્ચ કરી છે. આ તમામ સેવાઓમાંથી એપલનું ક્રેડિટ કાર્ડ ખૂબ ખાસ છે, કારણ કે એપલના આ ક્રેડિટ સાથે ફ્રોડ કરવો એક પડકારરૂપ છે. એપલે પોતાના એ ક્રેડિટ કાર્ડની સિક્યોરિટીને લઇને કોઇ પણ પ્રકારની કોઇ સમજૂતી કરી નથી. એપલે પોતાના ક્રેડિટ કાર્ડ માટે અમેરિકી ઇન્વેસ્ટમેન્ટ બેંક ગોલ્ડમેન સાક્સનવી સાથે ભાગીદારી કરી છે. તો ચલો જાણીએ એપલના આ ખાસ ક્રેડિટ કાર્ડ માટે. 

ફિઝીકલ અને વર્ચુઅલ બંને રૂપમાં ઉપલબ્ધ 
કંપનીએ આ કાર્ડનું એપલ કાર્ડ નામ આપ્યું છે. સૌથી પહેલા તમને જણાવી દઇએ કે આઇફોન યૂઝર્સને આ ક્રેડિટ કાર્ડ એના વૉલેટ એપમા જ મળશે. આ ક્રેડિટ કાર્ડમાં એપલ પે વો સપોર્ટ આપવામાં આવ્યો છે. એપલનું આ ક્રેડિટ કાર્ડ વર્ચુઅલ અને ફિઝીકલ બંને પ્રકારનો છે. જો કોઇ યૂઝર્સ એપલના ક્રેડિટ કાર્ડ દ્વારા કોઇ ખરીદી કરે છે તો એને દરેક વખતે 2 ટકા કેશબેક મળશે, અને જો એપલની પ્રોડક્ટ ખરીદે છે તો એને 3 ટકા કેશબેક મળશે. જ્યારે ફિઝીકલ કાર્ડની શોપિંગ પર 1 ટકાની કેશબેક મળશે. 
 

હાઇ સિક્યોરિટીથી લેસ છે એપલનું ક્રેડિટ કાર્ડ
એપલના આ ક્રેડિટ કાર્ડથી ફ્રોડ કરવો કોઇ હેકર્સ અથવા ઠગ માટે એક પડકાર રૂપ છે. એના માટે એમાં ઘણા ખાસ સિક્યોરિટી ફીચર્સ આપવામાં આવ્યો છે. સાથે જો તમે આ કાર્ડની ખરીદી કરો છો તો કંપની એ વાતની જાણકારી એની પાસે નહીં રાખે કે તમે ક્યાંથી શું ખરીદી રહ્યા છો. એવામાં જાહેરાત માટે તમારો ખાનગી ડેટા બજારમાં પહોંચી શકશે નહીં. 

ફેસ આઇડીથી રહેશે સિક્યોર
એપલના આ કાર્ડમાં એક સિક્ટોરિટી કોડ આપવામાં આવ્યો છે જે બાયોમેટ્રિક આઇડી દ્વારા કામ કરે છે. એવામાં જો કોઇ તમારા એપલ ક્રેડિટ કાર્ડ સાથે છેતરપિંડી કરવા ઇચ્છે છે તો એને સાથે તમારો ફોન ચોરી કરવો જ પડશે અને સાથે કાર્ડના એક્સેસ માટે તમારો ચહેરો અને તમારી ફિંગરપ્રિન્ટને પણ ચોરી કરવી પડશે. 

એપલ ક્રેડિટ કાર્ડના ફાયદા
એપલ ક્રેડિટ કાર્ડનો સૌથી મોટો ફાયદો એ છે કે તમારે કોઇ એક્સ્ટ્રા ચાર્જ, લેટ ફી અથવા પેનલ્ટીના નામ પર કોઇ ફી આપવી પડશે નહીં. આ કાર્ડનો ઉપયોગ કૉફી દુકાનથી લઇને મૉલ સુધી કરી શકાશે. તમારા દરરોજના ખર્ચાને એક ગ્રાફ દ્વારા દેખાડવામાં આવશે. જો કે આ કાર્ડ ભારતમાં ક્યારે આવશે એની હજુ સુધી કોઇ જાણકારી નથી.