કેન્દ્ર સરકાર દ્વારા આગામી દિવસોમાં નવી ટ્રાફિક પોલીસી લાવવા કવાયત, હાલ એક દેશ એક ચલણ સિસ્ટમ લાગુ કરવાનું કામ રોકેટ ઝડપે ચાલુ
એક દેશ એક ચલણ સિસ્ટમ લાગુ કરવા તરફ સરકાર
માર્ચ મહિના સુધીમાં ગુજરાતમાં લાગુ થઈ શકે છે નિયમો
90 દિવસ સુધી જો દંડ નહી ભરે તો કેસ કોર્ટમાં જશે
અન્ય રાજ્યમા નિયમ ભંગ થશે તો પણ મેમો ઘરે આવશે
કેન્દ્ર સરકાર દ્વારા આગામી દિવસોમાં નવી ટ્રાફિક પોલીસી લાવવા જઈ રહી છે. જેમાં કેન્દ્ર સરકારના રોડ અને ટ્રાન્સપોર્ટ વિભાગની એપ દ્વારા એક દેશ એક ચલણ સિસ્ટમ લાગુ કરવા તરફ સરકાર આગળ વધી રહી છે. આગામી માર્ચ મહિના સુધીમાં ગુજરાતમાં આ નિયમો લાગુ થઈ શકે છે. વિગતો મુજબ ગુજરાતમાં પહેલા તબક્કામાં રાજકોટ, અમદાવાદ, સુરત અને વડોદરા મહાનગરમાં પ્રોજેકટ શરુ કરાશે.
ગુજરાત કયા જિલ્લાઓમાં સૌથી પહેલા લાગુ થશે નિયમ ?
મહત્વનું છે કે, આ એક દેશ એક ચલણ સિસ્ટમ લાગુ થયા બાદ તમામ રાજ્યોમાં એક સરખા નિયમો લાગુ થશે. જોકે હાલમાં ગુજરાતમાં તેની પ્રક્રિયા ચાલુ છે. જેમાં સૌથી પહેલા સુરત, અમદાવાદ, વડોદરા, રાજકોટમાં નિયમ લાગુ થશે પછી ધીમે ધીમે અન્ય જિલ્લાઓમાં નિયમો લાગુ થશે. આ સાથે જેટલા પણ CCTVથી ચલણ બનશે તે તમામ મોબાઈલ નંબર અને એડ્રેસ પર જતું રહેશે. 90 દિવસ સુધી ચલાન ભરવાનો સમય આપવામાં આવશે તો 90 દિવસ બાદ આપો આપ કેસ વર્ચ્યુઅલ કોર્ટમાં ટ્રાન્સફર થઈ જશે.
એક દેશ એક ચલણ સિસ્ટમ લાગુ કરવા તરફ સરકાર
કેન્દ્ર સરકાર હવે એક દેશ એક ચલણ સિસ્ટમ લાગુ કરવા તરફ કામ કરી રહી છે. વિગતો મુજબ કેન્દ્ર સરકારના રોડ અને ટ્રાન્સપોર્ટ વિભાગ આ યોજના લાગુ કરી શકે છે. પ્રાથમિક માહિતી મુજબ આ યોજના લાગુ થયા બાદ સીસીટીવી કેમેરા દ્રારા જ સીધો ટ્રાફિક નિયમના ભંગ બદલ ચલણ ઘરે આવશે સાથે મોબાઇલ નંબર પર એસએમએસથી જાણ કરાશે. ચલણ જનરેટ થયા બાદ 90 દિવસ સુધી જો દંડ નહી ભરે તો કેસ વર્ચ્યુઅલ કોર્ટમાં જશે. જ્યા કાયદાકીય પ્રક્રિયામાં પસાર થવુ પડશે.
માર્ચ મહિના સુધીમાં ગુજરાતમાં લાગુ થઈ શકે છે નિયમો
કેન્દ્ર સરકારની આ યોજના જ્યારે અમલમાં આવશે એમાં તરત ગુજરાતમાં સૌપ્રથમ પહેલા તબક્કામાં મહાનગરોમાં પ્રોજેકટ શરુ કરાશે. જે બાદમાં તમામ જિલ્લાઓમાં પણ આ સિસ્ટમ લહુ થઈ જશે. એક વાત એવી પણ છે કે, સંભવિત રીતે આ એક દેશ એક ચલણ સિસ્ટમ આગામી માર્ચ મહિના સુધીમાં ગુજરાતમાં લાગુ થઈ શકે છે.
જો દંડ નહિ ભરો તો કેસ જશે વર્ચ્યુઅલ કોર્ટમાં
એક દેશ એક ચલણ સિસ્ટમ લાગુ થયા બાદ માનો કે, તમે ટ્રાફિક નિયમોનો ભંગ કર્યો તો સીસીટીવી કેમેરા દ્રારા જ સીધો ટ્રાફિક નિયમના ભંગ બદલ ચલણ ઘરે આવશે. આ સાથે તમારા મોબાઇલ નંબર પર એસએમએસથી જાણ પણ કરવામાં આવશે. જોકે આ ચલણ જનરેટ થયા બાદ 90 દિવસની અંદર તમારે દંડ ભરી દેવો પડશે. માનો કે તમે 90 દિવસની અંદર દંડ નહી ભરો તો કેસ વર્ચ્યુઅલ કોર્ટમાં જશે. જ્યાં તમારે કાયદાકીય પ્રક્રિયામાં પસાર થવુ પડશે.
અન્ય રાજ્યમાં નિયમ ભંગ થશે તો પણ મેમો આવશે ઘરે
એક દેશ એક ચલણ સિસ્ટમ તમામ રાજ્યોમાં લાગુ થઈ ગયા બાદ માનો કે તમે કોઈ અન્ય રાજ્યમાં ટ્રાફિક નિયમોનો ભંગ કર્યો તો શું થશે ? તો હવે માનો કે તમે ગુજરાત સિવાય અન્ય કોઈ રાજ્યમાં પણ ટ્રાફિક નિયમો તોડયા તો પણ એનો દંડ એટલે કે મેમો ઘરે આવશે. કેન્દ્ર સરકારનો રોડ અને ટ્રાન્સપોર્ટ વિભાગ હાલ આ યોજના પર કાર્યરત છે.
હાલ કયા કયા રાજ્યોમાં ઇ-ચલણ
સરકારે ઇન્ટિગ્રેટેડ ઇન્ફોર્મેશન ટેક્નોલોજી આધારિત સિસ્ટમ અથવા ઇ-ચલણ સિસ્ટમ શરૂ કરી હતી. હાલમાં દેશના 15 રાજ્યોમાં, ઇ-ચલણ સિસ્ટમ દ્વારા ચલણ કાપવામાં આવે છે. જેમાં બિહાર, ચંદીગઢ, દિલ્હી, હરિયાણા, ગુજરાત, હિમાચલ પ્રદેશ, રાજસ્થાન, ઉત્તર પ્રદેશ, ઉત્તરાખંડ, જમ્મુ અને કાશ્મીર અને પંજાબ સહિતના રાજ્યોનો સમાવેશ થાય છે.
ઇ-ચલણની પ્રક્રિયા શું ?
વર્ષ 2019માં રાજ્યસભામાં કેન્દ્રીય માર્ગ અને પરિવહન પ્રધાન નીતિન ગડકરીએ જણાવ્યું હતું ટ્રાફિક નિયમોનું ઉલ્લંઘન કરનારાઓ સામે પગલાં લેવા માટે ઇ-ચલણ સિસ્ટમ શરૂ કરવામાં આવી છે. આ સિસ્ટમ હેઠળ ટ્રાફિક પોલીસકર્મીઓ અને પરિવહન વિભાગની ટીમો એન્ડ્રોઇડ આધારિત મોબાઇલ એપ્લિકેશન અને વેબ એપ્લિકેશન દ્વારા ઇ-ચલણ મોકલે છે. આ સિસ્ટમના કારણે દંડની રકમ સીધી સંબંધિત સત્તાધિકારીને પહોંચે છે.