ATMથી કરી શકો છો FD ખોલવી લોન લેવી અને પૈસા જમા કરવા જેવા જરૂરી કામ

મોટાભાગના લોકો ATM નો ઉપયોગ માત્ર પૈસા નિકાળવા બેલેન્સ ચેક કરવા અથવા મની સ્ટેટમેન્ટ માટે કરે છે. પરંતુ આ સર્વિસ ATMમાં ઉપલબ્ઝ સર્વિસેજનો એક ખૂબ નાનો હિસ્સો છે. આ કામો ઉપરાંત તમે ATM જઇને તમે ગણા બધા કામ પૂર્ણ કરી શકો છો. તમે ATM જઇને તમે એ કામો પણ કોઇ પરેશાની વગર નિપટાવી શકો છો જેમા તમારે બેંકની લાંબી લાંબી લાઇનમાં ઊભા રહેવું પડે છે. 

તમે ATMમાં FD એટલે કે ફિક્સ્ડ ડિપોઝીટ પણ ખોલી શકો છો. આ સુવિધા તમને ICICI બેંક આપી રહી છે. એના માટે ICICI બેંકમાં તમારું રજિસ્ટર્ડ સેવિંગ્સ અથવા સેલેરી અકાઉન્ટ હોવું અથવા ડેબિટ કાર્ડ અને પિન હોવું જરૂરી છે. 

જો તમને પૈસાની જરૂર છે અને તમે લોન લેવા ઇચ્છો છો તો એવી ઘણી બેંકો છે જે તમારા એટીએમથી જ લોન માટે અપ્લાય કરવાની સુવિધા આપે છે. બેંક ગયા વગર ICICI અને HDFC બેંક એટીએમથી તમે લોન માટે અપ્લાય કરી શકો છો. 

તમે તમારું ટેક્સનું પેમેન્ટ પણ ATMથી કરી શકો છો એના માટે તમારે તમારી બેંકની વેબસાઇટ પર ATMથી ટેક્સના પેમેન્ટ માટે ડેબિટ કાર્ડને રજિસ્ટર કરાવવું પડશે. યૂનિયન બેંક ઓફ ઇન્ડિયા અને એચડીએફસી બેંક તમને આ  સુવિધા આપી રહી છે. ટેક્સના પેમેન્ટ પર ATM તમને SIN નંબર વાળી સ્લિપ ઉપલબ્ધ કરાવશે. ત્યારબાદ તમારે આ નંબરને 24 કલાકની અંદર બેંકની વેબસાઇટ પર સબમિટ કરવું પડશે. 

દેશમાં એવા ઘણા ATM છે જ્યાં તમે પૈસા નિકાળવાની સાથે સાથે પૈસા ડિપોઝીટ પણ કરાવી શકો છો. એના માટે તમારે એટીએમમાં પૈસા નાંખવાના હોય છે અથવા ચેકથી ડિપોઝીટ કરવાના હોય છે. ICIC SBIના ATMમાં આ પ્રકારની સુવિધા રહેલી છે.

ખૂબ જ ઓછા લોકોને આ વાતની જાણકારી હોય છે કે ઇન્શ્યોરન્સ પ્રીમિયમ ભરવા એટીએમનો ઉપયોગ કરી શકો છો. એસબીઆઇ અને આઇસીઆઇસીઆઇ બેંક સહિત ઘણી એવી બેંક છે જે ગ્રાહકને એટીએમથી ઇન્શ્યોરન્સ પ્રીમિયમ ભરવાની સુવિધા આપી રહ્યા છે.