ઉત્તર પ્રદેશમાં ભારતીય જનતા પાર્ટી સમાજવાદી પાર્ટીથી બદલો લેવા માટે મુલાયમ સિંહના પરિવારમાંથી જ લોકોની પાર્ટીમાં એન્ટ્રી કરાવી શકે છે.
યુપીના રાજકારણમાં ભૂકંપ
મુલાયમ સિંહ યાદવના પરિવારમાં જ ભાજપની સ્ટ્રાઈક
પુત્રવધુ અપર્ણા યાદવ ગમે ત્યારે જોઇન કરશે ભાજપ
સમાજવાદી પાર્ટીથી બદલો લેશે ભાજપ
ઉત્તર પ્રદેશમાં વિધાનસભા ચૂંટણી પહેલા જોરદાર પ્રચારનો માહોલ જામ્યો છે. કોરોના વાયરસની ત્રીજી લહેર વચ્ચે પાર્ટીઓ દ્વારા પ્રચંડ તાકાત સાથે પ્રયાસો કરવામાં આવી રહ્યા છે ત્યારે છેલ્લા એક અઠવાડિયામાં ભારતીય જનતા પાર્ટીના અનેક નેતાઓ સમાજવાદી પાર્ટીમાં જોડાઈ ગયા છે. અખિલેશ યાદવે એક બાદ એક અનેક ઝટકા ભાજપને આપ્યા છે ત્યારે હવે ભાજપ પણ સમાજવાદી પાર્ટીને મોટો ઝટકો આપવાની તૈયારીમાં છે.
મુલાયમ સિંહના પરિવારમાં તિરાડ?
ઉત્તર પ્રદેશના રાજકીય ગલીઓમાં અત્યારે સૌથી વધારે ચર્ચા અપર્ણા યાદવની થઈ રહી છે અને ખબર છે કે તેઓ ભાજપ જોઇન કરી શકે છે. રાજ્યમાં મુલાયમ સિંહ એક દિગ્ગજ વડીલ નેતા તરીકે જોવામાં આવે છે અને રાજકારણમાં તેમના જ પરિવારમાં આ પ્રકારે બે ફાડિયા પડવાથી મોટી અસર જોવા મળશે. થોડા દિવસ પહેલા જ મુલાયમ સિંહના વેવાઈએ પણ ભાજપ જોઇન ર્ક્યું છે.
કોણ છે અપર્ણા યાદવ
નોંધનીય છે કે 2017માં અપર્ણા સમાજવાદી પાર્ટીમાં ચૂંટણી લડ્યા અને ભારતીય જનતા પાર્ટી સામે હાર્યા હતા. અપર્ણા યાદવ મુલાયમ સિંહ યાદવના બીજા પત્ની સાધના ગુપ્તાના પુત્ર પ્રતિક યાદવની પત્ની છે. આ પહેલા પણ અપર્ણા યાદવે અનેક વાર મુખ્યમંત્રી યોગી અને પીએમ મોદીના વખાણ કર્યા હતા અને હવે તેમની ભાજપમાં એન્ટ્રી ફાઇનલ માનવામાં આવી રહી છે.