સિદ્ધી / અપર્ણા કુમારે રચ્યો ઇતિહાસ, વિશ્વના 7 પર્વત પર તિરંગો લહેરાવનાર બની પહેલી IPS

યૂપી કેડરમાં આઇપીએસ અધિકારી અપર્ણા  કુમારે અમેરિકાના અલાસ્કામાં સ્થિત માઉન્ટ ડેનાલી પર્વતને રવિવારે તિરંગો લહેરાવ્યો. અપર્ણા યૂપી કેડરની 2002 બેચની આઇપીએસ ઓફિસર છે. દેશમાં એવા ગણતરીના પર્વતારોહક છે, જેમણે સાત પર્વતમાળા પર તિરંગો લહેરાવ્યો છે. 

હવે તેમા આઇપીએસ અપર્ણા કુમારનું નામ પણ સામેલ થઇ ગયું છે. અપર્ણાએ 15 જૂને માઉન્ટ ડેનાલી પર્વત પર પહોંચવા ભારત છોડ્યું હતું. એમણે આ પર્વત પર 10 જુલાઇએ પહોંચવાનું હતું. અનુકૂળ હવામાનને કારણે અપર્ણાએ 10 દિવસ પહેલા જ પર્વતશ્રેણી પર સફળતા પૂર્વક તિરંગો લહેરાવ્યો.

એમણે માઇનસ 40 ડિગ્રી તાપમાન અને 250 કિલોમીટરની ઝડપથી ચાલતી ઠંડી હવાઓ વચ્ચે સફળતા હાંસલ કરી છે. માઉન્ટ ડેનાલીની ઉંચાઇ સમુદ્ર કિનારાથી 20320 ફૂટ છે. અપર્ણાએ પોતાની સફળતાની જાણકારી સેટેલાઇટ ફોનના માધ્યમથી પરિવારને આપી હતી. અપર્ણા આ સપ્તાહે ભારત પરત ફરશે.

આપને જણાવીએ કે, અપર્ણા કુમારે જે પર્વતોના શિખર પર ઝંડો લહેરાવ્યો છે. તેમા માઉન્ટ એવરેસ્ટ, માઉન્ટ કિલિમંજારો, માઉન્ટ એલ્બ્રુસ, કાર્સટેન્સ પિરામિડ, વિન્સન મેસિફ અને માઉન્ટ એકાંકાગુઆ સામેલ છે.