અનુષ્કા સાથે બેંગ્લોર જવા રવાના કોહલી 15 જૂને થશે 'અગ્નિ પરીક્ષા'

બેંગ્લોર: ટીમ ઇન્ડિયાનો કેપ્ટન વિરાટ કોહલીનુી ફિટનેસ ટેસ્ટ 15 જૂને થનારી છે જેના માટે એ વાઇફ અનુષ્કા શર્મા સાથે બેંગ્લોર જવા રવાના થઇ ગયો છે. વિરાટ અને અનુષ્કાની જોડીને મુંબઇ એરપોર્ટ પર જોવા મળી છે. 

છેલ્લા કેટલાક દિવોસોથી ભારતીય કેપ્ટન વિરાટ કોહલી ફિટનેસની સમસ્યાનો સામનો કરી રહ્યો છે. ગરદનમાં ઇજા પહોંચવાના કારણે એની ઇંગ્લેન્ડ પ્રવાસની તૈયારીઓને ઝટકો લાગ્યો છે અને એ ઇંગ્લિશ કાઉન્ટી સર્કિટમાં પણ રમી શકશે નહીં. 

કોહલીની આ ફિટનેસ ટેસ્ટ બાદ જ બ્રિટેન પ્રવાસની સીમિત ઓવરોની શરૂઆતના તબક્કામાં એમની ઉપલબ્ધતાની પુષ્ટિ થઇ શકશે. આ પ્રવાસની શરૂઆત જૂનના છેલ્લા સપ્તાહમાં આયરલેન્ડની વિરુદ્ધ બે ટી-20 આંતરરાષ્ટ્રીય મેચોની સાથે હશે. આ ફિટનેસ ટેસ્ટ કોહલી માટે 'અગ્ન પરીક્ષા' સાબિત થશે. 

તમને જણાવી દઇએ કે કોહલી આ ટેસ્ટ માટે તૈયાર થવું અને ફિટ થવા માટે ખૂબ મહેનત કરી રહ્યો છે. 2014માં વિરાટ કોહલીનો ઇગ્લેન્ડ પ્રવાસ ખરાબ રહ્યો હતો પરંતુ આ વખતે એ પોતાનો રેકોર્ડ સુધારવા માટે ઉત્સુક છે. 1 ઓગસ્ટથી ભારતને ઇંગ્લેન્ડની વિરુદ્ધ 5 મેચોની ટેસ્ટ સીરિઝ પહેલા આયરલેન્ડ ની સાથે 2 ટી-20 ઇંગ્લેન્ડની લિરુદ્ધ 3 વન ડે અને 3 ટી-20 મેચ રમવાની છે.