પ્રેગ્નેન્ટ છે અનુષ્કા શર્મા? એક્ટ્રેસ આપ્યો જવાબ

બોલિવુડ એક્ટ્રેસ અનુષ્કા શર્મા હાલમાં પોતાની અપકમિંગ ફિલ્મ 'ઝીરો'ની તૈયારીમાં બિઝી છે. આ ફિલ્મમાં અનુષ્કા શર્મા સાથે શાહરૂખ ખાન અને કેટરિના કૈફ જોવા મળશે. તાજેતરમાં જ ફિલ્મના પ્રમોશન દરમિયાન અનુષ્કા શર્મા પોતાની ટીમની સાથે ઘણા ઇવેન્ટ્સમાં જોવા મળી. એક ઇવેન્ટ દરમિયાન અનુષ્કાએ ખુલાસો કર્યો કે તે પ્રેગ્નેન્ટ છે કે નહીં. વાસ્તવમાં છેલ્લા થોડા સમયથી ચર્ચા છે કે વિરાટ કોહલી-અનુષ્કા શર્મા ફેમિલી પ્લાનિંગ માટે વિચારી રહ્યા છે. 

પ્રેગનેન્સી પર અનુષ્કાએ કહ્યુ કે ''મને નથી ખબર કે આ વાત ક્યાંથી આવી પરંતુ આ વાતમાં કોઇ સત્યતા નથી. સૌથી મોટું ફેક્ટ છે કે તમે તમારા લગ્ન છુપાવી શકો છો પરંતુ પ્રેગ્નેન્સી નહીં. જ્યારે આવી ચર્ચા થાય છ ત્યારે 4 મહિના પછી આ ચર્ચાની સત્યતા પણ સામે આવી જાય છે કેમકે પ્રેગનેન્સી છુપાડી નથી શકાતી.''

અનુષ્કાએ આગળ કહ્યુ કે ''આવી ચર્ચાને સામનો ઘણી એક્ટ્રેસને કરવો પડે છે પરંતુ મારા માટે અફવાહ મહત્વની નથી. હાલના દિવસોમાં હું સતત કામ કરી રહી છું અને કોઇ પણ ફેમિલી પ્લાનિંગ માટે નથી વિચારી રહી.''

ઉલ્લેખનીય છે કે 'ઝીરો' ફિલ્મ 21 ડિસેમ્બરના રિલીઝ થશે. આ ફિલ્મને આનંદ એલ.રાયે ડિરેક્ટ કરી છે જેમાં અનુષ્કા સાથે શાહરૂખ ખાન અને કેટરિના કૈફ જોવા મળશે.