બોલિવૂડની પરી અનુષ્કા શર્મા અને ભારતીય ક્રિકેટ કેપ્ટન વિરાટ કોહલી માતા-પિતા બનવાના છે. હાર્દિક પંડ્યા હાલમાં જ પિતા બન્યો છે ત્યારે વિરાટને લઇને ઘણા લોકો પ્રશ્નો પૂછતા હતા કે તમે ક્યારે પિતા બનવાના છો. અનુષ્કાએ તેના ઇન્સ્ટાગ્રામ પર પોસ્ટ મૂકીને કહી દીધુ છે કે 2021માં તે બંને માતા પિતા બનશે.
અનુષ્કા શર્મા છે ગર્ભવતી
વિરાટ અનુષ્કા બનશે માતા પિતા
બોલિવૂડ-ક્રિકેટનો અનોખો સંગમ
વિરાટ અને અનુષ્કા માતા પિતા ક્યારે બનશે તે સવાલનો જવાબ હવે બધાને મળી ગયો છે. અનુષ્કાએ ઇન્સ્ટા પર પોસ્ટ મૂકીને લખ્યુ છે કે જાન્યુઆરી 2021માં અમે ત્રણ થઇશું. હાલમાં વિરાટ કોહલી આઇપીએલના કારણે દુબઇમાં છે. કોરોનાને કારણે તે 5 મહિના બાદ મેદાન પર ઉતર્યા છે. એક તરફ મૅચ અને બીજી તરફ કોરોના બંને વચ્ચે સાચવવુ દરેક ખેલાડી માટે અઘરુ પડી જશે.
લૉકડાઉનમાં અનુષ્કા અને વિરાટે સાથે ખૂબ ક્વૉલીટી ટાઇમ સ્પેન્ડ કર્યો હતો. કપલે સોશ્યલ મિડીયા પર તેમની તસવીરોથી નવા કપલ ગોલ ઉભા કર્યા હતા. અનુષ્કા કે વિરાટની પોસ્ટ જોઇને કોઇને પણ મન થાય કે આ પ્રકારની લવ અને મેરિડ લાઇફ એન્જોય કરવી જોઇએ.
લૉકડાઉનમાં અનુષ્કા વિરાટ સાથે મસ્તી કરી રહી હતી કે, એ કોહલી ચોકા માર ના કોહલી, એય કોહલી... તે વીડિયો પણ ખૂબ વાયરલ થયો હતો. હવે વિરુષ્કા જ્યારે માતા પિતા બનવાના છે ત્યારે ફેન્સ, ફેમિલી અને ફ્રેન્ડ્સ શુભકામનાઓ પાઠવી રહ્યાં છે.
તમને જણાવી દઇએ કે અનુષ્કા શર્મા એક એક્ટ્રેસની સાથે સાથે પ્રોડ્યુસર પણ છે. તેના પ્રોડક્શન હાઉસમાં NH10, પરી, જેવી ફિલ્મો બની છે. બહુચર્ચિત વૅબ સિરીઝ પાતાળ લોક પણ અનુશ્કા શર્માએ જ પ્રોડ્યુસ કરી છે. હાલમાં જ આવેલી ફિલ્મ બુલબુલ પણ અનુષ્કા શર્માના પ્રોડક્શનમાં જ બની છે.
બીજી તરફ વિરાટ કોહલીએ પણ ક્રિકેટમાં કાઠુ કાઢ્યુ છે અને ભારતીય ક્રિકેટ ટીમને ઉંચાઇઓ સુધી પહોંચાડી છે. બંનેના લગ્ન 2017માં થયા હતા બાદથી તેઓએ સાથે માન્યાવરની એડમાં પણ કામ કર્યુ છે.