અનુષ્કા શર્મા ભલે હાલમાં ફિલ્મોમાં કામ ના કરી રહી હોય પરંતુ સોશ્યલ મીડિયા પર સતત એક્ટિવ છે. તાજેતરમાં ટીમ ઇન્ડિયાના કેપ્ટન વિરાટ કોહલીએ સાઉથ આફ્રિકા વિરુદ્ઘની ટેસ્ટ સીરિઝની બીજી મેચમાં ડબલ સેન્ચુરી કરી. આ સાથે જ પોતાના કરિયરનો ઉચ્ચતમ સ્કોર 254* રન પણ કર્યો. આ કોઇપણ ભારતીય કેપ્ટનનો સર્વોચ્ચ વ્યકિતગત સ્કોર છે. વિરાટ કોહલીના આ રેકોર્ડ પછી અનુષ્કા શર્માએ પતિ વિરાટ માટે પ્રેમ વરસાવ્યો છે.
વિરાટ કોહલીએ કરી ડબલ સેન્ચુરી
પત્ની અનુષ્કા શર્માએ સોશ્યલ મીડિયા પર વ્યક્ત કર્યો પ્રેમ
અનુષ્કા શર્માએ પોતાના ઑફિશ્યલ સોશ્યલ મીડિયા એકાઉન્ટ ઇન્સ્ટાગ્રામ પર સ્ટોરી શૅર કરી છે. આ સ્ટોરીમાં વિરાટ કોહલીની બ્લેડ એન્ડ વ્હાઇટ એક ફોટો શૅર કરી છે. આ સાથે જ તેણે હાર્ટના 3 ઇમોજી પણ મૂક્યા છે. હવે ફેન્સને રાહ છે કે વિરાટ શું રિએક્શન આપશે. તમને જણાવી દઇએ કે, વિરાટના આ રેકોર્ડ પછી સોશ્યલ મીડિયા પર #KingKohli સતત ટ્રે્ન્ડ કરી રહ્યુ છે.
અનુષ્કા શર્માના વર્કફ્રન્ટની વાત કરવામાં આવે તો છેલ્લા 2 વર્ષમાં અનુષ્કા શર્માએ 4 મોટી ફિલ્મો, જેમાં 'ઝીરો', 'પરી', 'સૂઇ ધાગા' અને 'સંજૂ' જેવી શામેલ છે. જોકે આ પછી અનુષ્કાએ થોડા સમય સુધી બ્રેક લેવાનો નિર્ણય કર્યો હતો અને હાલમાં તેણે કોઇ ફિલ્મ સાઇન કરી નથી.
ઉલ્લેખનીય છે કે, અનુષ્કાને તાજેતરમાં જ ફોર્ચ્યુન ઇન્ડિયાની 2019ની ટોપ 50 સૌથી શક્તિશાળી મહિલાઓની યાદીમાં સ્થાન મળ્યુ છે. આ યાદીમાં અનુષ્કાનું નામ 39મું છે. આ સાથે આ યાદીમાં સૌથી ઓછી ઉંમર વાળી મહિલા પણ અનુષ્કા શર્મા છે. આ યાદીમાં હિંદી ઇન્ડસ્ટ્રીની એકમાત્ર એક્ટ્રેસ એટલે કે અનુષ્કા સ્થાન બનાવવામાં સફળ થઇ છે. વર્ષ 2008માં શાહરૂખ ખાનની સાથે ફિલ્મ 'રબ ને બના દી જોડી' થી બોલિવુડમાં ડેબ્યૂ કર્યુ હતુ.
અનુષ્કાએ માત્ર એક એક્ટર્સ અને ફિલ્મ મેકર નથી તેણે પોતાની ફેશન રેન્જ અને બ્રાન્ડ્સ NUSH પણ લોન્ચ કરી છે. ક્લીન સ્લેટ ફિલ્મ્સને અનુષ્કાએ 25 વર્ષની ઉંમરમાં શરૂ કર્યુ હતુ અને આ પ્રોડક્શન હાઉસ હેઠળ 'NH 10', 'ફિલ્લૌરી' અને 'પરી' જેવી ફિલ્મો બનાવી હતી. અનુષ્કા નેટફ્લિક્સ પર પોતાની એક ફિચર ફિલ્મ 'બુલબલ' અને એક વેબ સીરિઝ 'માઇ' બનાવી રહી છે.