ભારતીય ક્રિકેટ ટીમના કપ્તાન વિરાટ કોહલીએ હાલમાં જ સોશ્યલ મિડીયા પર પોતાના નવા લૂકની તસવીર શૅર કરી છે. જેમાં તે યલો ટીશર્ટ પહેરીને દેખાઇ રહ્યો છે અને ચશ્માનો લૂક પણ અલગ છે. સાથે તેણે પોતાના વાળ પણ વધાર્યા છે
મની હાઇસ્ટના પ્રોફેસર જેવો લૂક
વિરાટના આ લૂકની તસવીર સોશ્યલ મિડીયા પર વાયરલ થઇ રહી છે. ફેન્સે તેની તુલના નેટફ્લિક્સની સૌથી લોકપ્રિય સિરીઝ મની હાઇસ્ટના પ્રોફેસર સાથે કરી છે. વિરાટની તુલના સ્પેનિશ એક્ટર Álvaro Morte સાથે થઇ રહી છે અને લોકો અલગ અલગ પ્રકારની કમેન્ટ્સ કરી રહ્યાં છે.
પ્રોફેસર કોહલી
એક યુઝરે વિરાટ કોહલીની તસવીરને ટ્વિટ કરીને શૅર કરતા લખ્યુ, અનુષ્કા શર્મા જલ્દી જ વિરાટને બોલીવૂડમાં લોન્ચ કરશે. તેણે મની હાઇસ્ટના હિન્દી વર્ઝનના રાઇટ્સ ખરીદી લીધા છે અને પ્રોફેસર તરીકે વિરાટ કોહલી દેખાશે. તેનો આ ફર્સ્ટ લૂક છે. આ રીતે અલ્વારો સાથે વિરાટની તસવીર શૅર કરીને લખ્યું પ્રોફેસર વિરાટ.
લોકોનું આવ્યુ રિએક્શન
એક યુઝરે ટ્વિટ કરીને લખ્યું કે, સિઝન 5માં વિરાટ કોહલી પ્રોફેસર તરીકે નજર આવશે. એક ફેને ટ્વિટ કર્યુ કે વિરાટ કોહલીનો નવો લૂક મની હાઇસ્ટના પ્રોફેસરથી ઇન્સ્પાયર્ડ છે. આ જ રીતે લાખો લોકોએ ટ્વિટ કર્યા અને આ માત્ર ગોસિપ છે. મની હાઇસ્ટ હિન્દી રિમેકના રાઇટ્સ કોણે ખરીદ્યા છે તેની જાણકારી હજુ સુધી મળી નથી.