લોકડાઉનમાં ભારતીય ટીમના કેપ્ટન વિરાટ કોહલીને મોટો ઝટકો લાગ્યો છે. હકીકતમાં વિરાટ-અનુષ્કાના ડોગ બ્રુનોનું નિધન થઈ ગયું છે. આ કપલે સોશિયલ મીડિયા પર તસવીર શેર કરીને તેમના ડોગીને શ્રદ્ધાજંલિ આપી છે અને ઈમોશનલ પોસ્ટ પણ લખી છે.
હાલ લોકડાઉનને કારણે ક્રિકેટ જગત થંભી ગયું છે
ત્યારે વિરાટ કોહલીના પ્રિય ડોગીનું નિધન થઈ ગયું
વિરાટે ફોટો શેર કરીને આપી શ્રદ્ધાજંલિ
કોહલી અને અનુષ્કાનો પ્રિય હતો બ્રુનો
કોહલી હાલ મુંબઈમાં પત્ની અનુષ્કા શર્મા સાથે રહી રહ્યો છે. આ બંને કપલ અવારનવાર સોશિયલ મીડિયા પર ફોટોઝ અને વીડિયો શેર કરતાં રહે છે અને લોકડાઉનમાં ફેન્સનું મનોરંજન કરવાની સાથે જાગરૂકતા પણ ફેલાવી રહ્યાં છે. ઘણીવાર આ કપલ તેમના ડોગી બ્રુનો સાથે પણ જોવા મળ્યું છે.
Rest in peace my Bruno. Graced our lives with love for 11 years but made a connection of a lifetime. Gone to a better place today. God bless his soul with peace 🙏❤️ pic.twitter.com/R1XSF3ES5o
વિટાટ કોહલી તેના પ્રિય ડોગી બ્રુનોના નિધનથી ખૂબ જ દુઃખી છે. તેણે સોશિયલ મીડિયા પર બ્રુનોની તસવીર શેર કરીને લખ્યું- રેસ્ટ ઈન પીસ માય બ્રુનો. તે અમારા જીવનના 11 વર્ષ ખાસ બનાવી દીધા હતા અને જીવનભરનું કનેક્શન બનાવી દીધું. ભગવાન તેની આત્માને શાંતિ આપે. જ્યારે અનુષ્કાએ લખ્યું- રેસ્ટ ઈન પીસ બ્રુનો. આ પોસ્ટ પર આલિયા ભટ્ટ, પ્રિયંકા ચોપરા, સોનાલી બેન્દ્રે સહિત ઘણાં કલાકારોએ કમેન્ટ કરી હતી.
વિરાટને ડોગ્સ ખૂબ જ પસંદ છે, પરંતુ બ્રુનો તેનો સૌથી ખાસ ડોગી હતો અને છેલ્લા 11 વર્ષથી એ તેની સાથે જ હતો. તેના નિધનથી કોહલીને આઘાત લાગ્યો છે. જ્યારે અનુષ્કા પણ પ્રાણીઓના ઉત્થાન માટે ઘણું કામ કરે છે. આ બંને કપલ જ્યારે વેકેશન માટે ભૂટાન ગયા હતા ત્યારે પણ તેઓ ગાયના બછડાંઓ સાથે સમય પસાર કરતાં જોવા મળ્યા હતા.