વીડિયો વાયરલ / વિરાટ કોહલીએ 7 વર્ષના ફેનનો લીધો ઓટોગ્રાફ, બાળકોમાં પણ કોહલીનો ક્રેઝ

ટીમ ઈન્ડિયાના કપ્તાન વિરાટ કોહલી મેદાન પર ભલે આક્રમક દેખાઈ રહ્યા હોય પણ ક્રિકેટના મેદાન સિવાય તેઓનો વ્યવહાર અલગ રહ્યો છે. વિરાટના ફેન્સ ફક્ત દેશ નહીં પણ દુનિયાભરમાં જોવા મળી રહ્યા છે. અને તેમાં યુવા જ નહીં નાના બાળકો પણ સામેલ છે. વિરાટનો એક વીડિયો સોશ્યિલ મીડિયા પર વાયરલ થઈ રહ્યો છે. જેમાં તે 7 વર્ષનો બાળક જે તેનો ફેન છે તેની પાસેથી ઓટોગ્રાફ લઈ રહ્યો છે. 

My 7 year old nephew, who is in Jamaica for the first test , caught @imVkohli off-guard when he went up to him and told him "would you like my autograph instead?".Stopped in his tracks and indulged him. Anushka too.. 😍😍 #kohli #ViratKohli #INDvsWI pic.twitter.com/9giCgJr3oB

— Amit Lakhani (@VeniVidiVici_08) September 2, 2019

અમિત નામના યૂઝરે ટ્વિટર પર ટ્વિટ કરીને આ વીડિયો શેર કર્યો છે. તેઓએ લખ્યું કે મારો 7 વર્ષનો ભત્રીજો ટેસ્ટ મેચમાં જમૈકામાં હતો. તેણે વિરાટ કોહલીને કહ્યું કે શું તમે મારો ઓટોગ્રાફ લેવો પસંદ કરશો? સાંભળીને વિરાટ કોહલી  હેરાન રહી ગયો. વીડિયોમાં વિરાટની પત્ની અને બોલિવૂડ એક્ટ્રેસ અનુષ્કા શર્મા પણ તેમની સાથે જોવા મળી રહી છે. 

આ સમયે અન્ય એક બાળક વિરાટને ઓટોગ્રાફ આપવા માટે કહે છે. તેમને જોઈને ભારતીય કપ્તાને કહ્યું, તમે ઊભા રહો, હું તમારી પાસે આવું છું ઓટોગ્રાફ લેવા. 

વિરાટની કપ્તાનીમાં ભારતે વેસ્ટ ઈન્ડિઝને ત્રણેય સીરિઝમાં હાર આપી છે. વેસ્ટ ઈન્ડિઝની વિરુદ્ધમાં જમૈકામાં બીજી ટેસ્ટમાં જીતીને વિરાટ કોહલી ભારતના સૌથી સફળ કપ્તાન બન્યા છે. 

ફોટો સૌજન્ય- Twitter.com