IPLIN
 
  • Home
  • Entertainment
  • Anupamaa s Paras Kalnawat aka Samar s contract terminated by makers know why

શૉકિંગ / Anupamaa સિરિયલમાં ઉથલપાથલ: આ સ્ટારને રાતોરાત કાઢી મૂકાયો, નામ જાણી દર્શકોને લાગશે ઝટકો

Team VTV 11:32 AM, 27 Jul 22
Follow us
Anupamaa s Paras Kalnawat aka Samar s contract terminated by makers know why

ટીવીના ફેવરિટ શો 'અનુપમા'ના ફેન્સ માટે ખરાબ સમાચાર સામે આવી રહ્યા છે. આ શોમાંથી અનુપમાના પુત્રની ભૂમિકા ભજવનાર અભિનેતાને અચાનક શોમાંથી બહાર કરી દેવામાં આવ્યો છે.

  • અનુપમાના ફેન્સ માટે મોટી ખબર 
  • પારસને શોમાંથી કરવામાં આવ્યો બહાર 
  • પારસના નિર્ણયથી નારાજ થયા મેકર્સ 

ટીવી સીરિયલ 'અનુપમા' લોકોનો ફેવરિટ શો છે. આ શોએ હંમેશા TRP લિસ્ટમાં પોતાનું નંબર વન સ્થાન જાળવી રાખ્યું છે. આ શોએ શરૂઆતથી જ લોકોના દિલમાં એક ખાસ જગ્યા બનાવી છે. આટલું જ નહીં આ શોના પાત્રોએ પણ લોકોના દિલમાં પોતાની જગ્યા બનાવી છે. પરંતુ આ શોના ફેન્સ માટે એક મોટા સમાચાર સામે આવ્યા છે. 

પારસ કલનાવતને મેકર્સે બતાવ્યો બહારનો રસ્તો 
અનુપમાના પુત્ર સમરનું પાત્ર ભજવનાર પારસકલનાવતને અચાનક શોમાંથી બહાર કરી દેવામાં આવ્યો છે. 'અનુપમા'ના નિર્માતાઓએ અચાનક તેનો કોન્ટ્રાક્ટ ખતમ કરી દીધો છે અને સ્પષ્ટ કરી દીધું છે કે પારસ હવે શોનો ભાગ નહીં રહે.

પારસનો કોન્ટ્રાક્ટ કર્યો ખતમ 
'અનુપમા'માં સમરનું પાત્ર ભજવનાર પારસ કલનાવતનો કોન્ટ્રાક્ટ સમાપ્ત કરી દેવામાં આવ્યો છે અને તે હવે આ શોનો ભાગ રહેશે નહીં. અભિનેતાએ અન્ય ચેનલ સાથે કોન્ટ્રાક્ટ કર્યા બાદ શોના નિર્માતાઓએ આ કાર્યવાહી કરી છે. 

તમને જણાવી દઈએ કે પારસે બીજી ચેનલ પર 'ઝલક દિખલા જા 10' સાઈન કરી છે અને તેના કારણે મેકર્સ પારસથી નારાજ છે. નિર્માતાઓ અનુસાર પારસે હરીફ ચેનલ પર શો સાઇન કરતા પહેલા તેમને જાણ કરી ન હતી. કોન્ટ્રાક્ટના ભંગને કારણે તેને શોમાંથી હટાવી દેવામાં આવ્યો છે.

મેકર્સે લગાવ્યા પારસ પર આ આરોપ
'અનુપમા'ના નિર્માતા રાજન શાહીએ પારસના કોન્ટ્રાક્ટને લઈને કહ્યું કે અમે એક પ્રોડક્શન હાઉસના રૂપમાં કોન્ટ્રાક્ટના ઉલ્લંઘનને સ્વીકારીશું નહીં. અમે એક્ટરના તરીકેની તેમની સેવાઓ તાત્કાલિક અસરથી સમાપ્ત કરી દીધી છે. અમે તેમને તેમના ભાવિષ્ય માટે શુભેચ્છા પાઠવીએ છીએ. 

તમને જણાવી દઈએ કે પારસ પર પ્રોડક્શન હાઉસનો આરોપ છે કે તેણે ડાન્સ રિયાલિટી શોમાં ભાગ લેતા પહેલા તેને જાણ કરી ન હતી. સૂત્રોના જણાવ્યા અનુસાર, પ્રોડક્શન ટીમ હંમેશા કલાકારો સાથે તાલમેલ રાખે છે. તેઓ ક્યારેય કોઈને અન્ય પ્રોજેક્ટ હાથ ધરવાથી રોકતા નથી. પારસનું પણ એવું જ હતું. અગાઉ પણ તેના અન્ય એક પ્રોજેક્ટને લઈને તારીખો એડજસ્ટ કરવામાં આવી હતી.

પોતાના પાત્રથી નાખુશ હતા પારસ
બીજી તરફ પારસ આ આરોપોને નકારી રહ્યો છે. અભિનેતાએ એક ઈન્ટરવ્યુમાં જણાવ્યું હતું કે, 'શો અનુપમા સાથે બધુ સારું હતું પરંતુ મારા પાત્રમાં કોઈ ફેરફાર થયો નથી. મને રાજન સર અને તેમની ટીમ માટે ખૂબ માન છે.

મારી કારકિર્દીના આ સ્ટેજ પર હું કંઈક નવું કરવા માંગુ છું. ઉપરાંત, હું કહેવા માંગુ છું કે મેં પ્રોડક્શન હાઉસને મારા નિર્ણય વિશે જણાવ્યું હતું. જોકે ચેનલની કોન્ટ્રાક્ટની શરતોને કારણે ઝલક સાઈન કર્યા બાદ અનુપમા સાથે કામ કરવું શક્ય બનશે નહીં.

Anupamaa Paras Kalnawat Samar makers અનુપમા પારસ કલનાવત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ