મુલાકાત / અનુપમ ખેરે PM મોદીને આપી માએ મોકલાવેલ ખાસ ગિફ્ટ, સોશિયલ મીડિયા પર તસવીરો વાયરલ

• અનુપમ ખેરે લીધી પીએમ મોદીની મુલાકાત 
• પીએમ મોદીને ભેંટમાં આપી રુદ્રાક્ષની માળા 
• સોશિયલ મીડિયા પર શેર કરી તસવીરો 

અનુપમ ખેરે લીધી પીએમ મોદીની મુલાકાત 

ધ કશ્મીર ફાઈલ્સમાં દમદાર એક્ટિંગથી દર્શકોની દિલ જીતનાર એક્ટર અનુપમ ખેરે શનિવારે પ્રધાનમંત્રી નરેન્દ્ર મોદી સાથે મુલાકાત કરી હતી. આ મુલાકાતની તસવીરો એક્ટરે સોશિયલ મીડિયા પર શેર કરી છે. સાથે જ તેમણે દેશને સારી દિશામાં કામ કરાવવા માટે પીએમ મોદીનાં પણ વખાણ કર્યા છે. આ મુલાકાત દરમિયાન, એક્ટરે પોતાની મા દુલારી તરફથી પીએમ મોદી માટે મોકલવામાં આવેલ ખાસ ગિફ્ટ પણ આપી હતી. 

 ભેંટમાં આપી રુદ્રાક્ષની માળા 

અનુપમ ખેરે પોતાના ટ્વીટર હેન્ડલ પર પીએમ મોદી સાથેની આ મુલાકાતની તસવીરો પોસ્ટ કરી છે. આ સાથે જ તેમણે કેપ્શનમાં લખ્યું છે કે આદરણીય પ્રધાનમંત્રી નરેન્દ્ર મોદી જી. આજે તમને મળીને મન અને આત્મા બંને પ્રસન્ન થયા. તમે દેશ માટે, દેશવાસીઓ માટે દિવસ રાત જે કાર્ય અને મહેનત કરી રહ્યા છો, તેના માટે તમને ધન્યવાદ કહેવાની તક મળી અને જે શ્રદ્ધા સાથે તમે મારી મા દ્વારા તમારી રક્ષા માટે રુદ્રાક્ષ માળાને સ્વીકારી તે અમે અને દુલારીજી હંમેશા યાદ રાખીશું. પ્રભુ તમારા પર પોતાની કૃપા બનાવીને રાખે અને આમ જ અમને બધાને ઉર્જા આપતા રહો. જય હિંદ. 

आदरणीय प्रधानमंत्री @narendramodi जी। आज आपसे मिलकर मन अत्यंत प्रसन्न हुआ।आप देशवासियों के लिए दिन रात जो मेहनत कर रहें है, वो प्रेरणात्मक है! जिस श्रद्धा के साथ आपने मेरी माँ द्वारा आपकी रक्षा के लिए भेजी रुद्राक्ष की माला स्वीकार की वो हम हमेशा याद रखेंगे।जय हो।जय हिंद! 🙏🇮🇳🙏 pic.twitter.com/yBQN4UOvWy

— Anupam Kher (@AnupamPKher) April 23, 2022

સોશિયલ મીડિયા પર શેર કરી તસવીરો 

એક્ટરનાં આ ટ્વીટનો પીએમ મોદીએ જવાબ પણ આપ્યો છે. તેમણે એક્ટરની મા પાસેથી ગિફ્ટ મેળવવા માટે આભાર જતાવ્યો છે. પીએમ મોદીએ ટ્વીટ કર્યું છે કે ખૂબ ખૂબ ધન્યવાદ અનુપમ ખેર સર. તમારા આદરણીય માતાજી અને દેશવાસીઓનાં જ તો આશીર્વાદ છે, જે મને મા ભારતીની સેવા માટે પ્રેરિત કરતા રહે છે. 

बहुत-बहुत धन्यवाद @AnupamPKher जी। यह आदरणीया माताजी और देशवासियों का आशीर्वाद ही है, जो मुझे मां भारती की सेवा के लिए निरंतर प्रेरित करता रहता है। https://t.co/6hFfd7ivmJ

— Narendra Modi (@narendramodi) April 23, 2022

અનુપમ ખેરના આ ટ્વીટ પર લોકોની ઘણી પ્રતિક્રિયાઓ પણ આવી રહી છે. એક યુઝરે લખ્યું, 'આ શાનદાર છે! અમારા આદરણીય વડાપ્રધાન સાથે તમને જોઈને ખૂબ આનંદ થયો. જ્યારે, ઘણા યુઝર્સ ટ્વિટર પર જય હિંદ લખીને પોતાની ખુશી વ્યક્ત કરી રહ્યા છે. જણાવી દઈએ કે અનુપમ ખેરની તાજેતરમાં રિલીઝ થયેલી ફિલ્મ ધ કાશ્મીર ફાઈલ્સને બોક્સ ઓફિસ પર જબરદસ્ત રિસ્પોન્સ મળ્યો છે. આ ફિલ્મને સમગ્ર દેશમાં પસંદ કરવામાં આવી છે. આ ફિલ્મે કમાણીના મામલે અગાઉના તમામ રેકોર્ડ તોડી નાખ્યા છે. આ ફિલ્મે અત્યાર સુધીમાં 250 કરોડથી વધારેનો બિઝનેસ કર્યો છે.