અનિલ કપૂર સ્ટારર ફિલ્મ 'મિસ્ટર ઈન્ડિયા'ના વિલન મોગેમ્બોએ આપણાં બધાંના મનમાં એક અમિટ છાપ ઊભી કરી છે અને આ કેરેક્ટરે આપણને ડરાવ્યા પણ છે. અમરીશ પુરીની મોટી-મોટી આંખો અને દમદાર અવાજે આ રોલને વધુ ખૂંખાર બનાવી દીધો હતો. અમરીશ પુરીએ તેમની જબરદસ્ત એક્ટિંગથી આ કેરેક્ટરને અમર કરી દીધું હતું.
મોગેમ્બોના રોલ માટે અમરીશ પુરી નહોતા પહેલી પસંદ
અનિલ કપૂરના કહેવા પર અમરીશને રોલ ઓફર થયો
ડિરેક્ટરે આ રોલ માટે આ દિગ્ગજ એક્ટરને પસંદ કર્યા હતા
મહાન કલાકાર અમરીશ પુરીનું અભિનય આજે પણ લોકોના દિલ પર રાજ કરે છે અને એટલે જ મોગેમ્બોના રોલમાં અન્ય કોઈ એક્ટરની કલ્પના પણ ન કરી શકાય. પણ શું તમે જાણો છો કેફિલ્મ ‘મિ. ઈન્ડિયા’નો આ પ્રખ્યાત મોગેમ્બો નામના રોલ માટે ડિરેક્ટર શેખર કપૂરની પહેલી પસંદ અમરીશ પુરી નહોતા.
આ એક્ટર હતો ડિરેક્ટરની પહેલી પસંદ
હકીકતમાં મિસ્ટર ઈન્ડિયાના ડિરેક્ટર શેખર કપૂર આ ફિલ્મમાં વિલનના રોલ માટે સૌથી પહેલાં અનુપમ ખેરને લેવા માગતા હતા. શેખર કપૂર અને ફિલ્મ મેકર બોની કપૂર મોગેમ્બોના રોલ માટે અનુપમને લેવા માગતા હતા. આ વાતનો ખુલાસો અનુપમ ખેરે એક ઈન્ટરવ્યૂ દરમિયાન કર્યો હતો.
અનિલ કપૂરના કહેવા પર ફિલ્મમાં અમરીશ પુરીને લેવામાં આવ્યા હતા
અનુપમે કહ્યું, મિસ્ટર ઈન્ડિયામાં મોગેમ્બોનો રોલ સૌથી પહેલાં મને ઓફર થયો હતો, પરંતુ એક-બે મહિના પછી ફિલ્મ મેકર્સે મને અમરીશ પુરી સાથે રિપ્લેસ કરી દીધો હતો. એવું કહેવાય છે કે, અનિલ કપૂરના કહેવા પર ફિલ્મમાં અમરીશ પુરીને લેવામાં આવ્યા હતા. અનિલ શેખર અને બોની કપૂરને અમરીશ પુરી માટે ભલામણ કરી હતી.
બોલિવૂડના સૌથી યાદગાર વિલન બન્યા
તમને જણાવી દઈએ કે, અમરીશ પુરીએ મોગેમ્બોના રોલમાં પ્રાણ ફૂંકી દીધા અને આ બોલિવૂડના સૌથી યાદગાર વિલન બન્યા હતા. તેમનો ડાયલોગ 'મોગેમ્બો ખુશ હુઆ' આજે પણ યાદ કરવામાં આવે છે. એટલું જ નહીં ફિલ્મ મિસ્ટર ઈન્ડિયાને બોલિવૂડની ક્લાસિક ફિલ્મોમાંથી એક ગણવામાં આવે છે.
ઈન્ડસ્ટ્રીના શ્રેષ્ઠ વિલન હતા અમરીશ
અમરીશ પુરીએ તેમના કરિયરમાં 200થી વધુ ફિલ્મોમાં કામ કર્યું હતું. તેમણે હિન્દી સિવાય મરાઠી, કન્નડ, પંજાબી, મલયાલમ, તેલુગૂ, તમિલ અને અંગ્રેજી ફિલ્મોમાં પણ કામ કર્યું હતું. અમરીશ પુરીને આજે પણ ઈન્ડસ્ટ્રીના શ્રેષ્ઠ વિલન તરીકે યાદ કરવામાં આવે છે.