કોરોના વાયરસ મહામારીને ભારતમાં ફેલાતા રોકવા માટે પીએમ નરેન્દ્ર મોદીએ રાત-દિવસ એક કરી દીધા છે. તેમના આ સમર્પણને જોઈને અનુપમ ખેરની માતા ઈમોશનલ થઈ ગઈ. અનુપમ ખેરે પોતાના સોશિયલ મીડિયા એકાઉન્ટ પર એક વીડિયો પોસ્ટ કર્યો છે, જેમાં તેમની માતા પીએમ મોદીને પોતાનું ધ્યાન રાખવાનું કહી રહી છે.
અનુપમ ખેરે એક વીડિયો પોસ્ટ કરતા લખ્યું- સન્માનનીય પ્રધાનમંત્રી નરેન્દ્ર મોદીજી. દેશભરની માતાઓની જેમ જ મારી માતા પણ તમને અને તમારા સ્વાસ્થ્યને લઈને ચિંતિત છે. તેઓ કહી રહ્યાં છે કે, તમે 130 કરોડથી પણ વધુ દેશવાસીઓ માટે પરેશાન છો, પરંતુ તમારું ધ્યાન કોણ રાખી રહ્યું છે? આવું કહેતા કહેતા મારી માતાની આંખો ભીની થઈ ગઈ. તમારું ધ્યાન રાખો અમે બધાં પણ હાથ જોડી રહ્યાં છીએ.
અનુપમ ખેરની માતા પીએમ મોદીને પોતાના સ્વાસ્થ્યનું ધ્યાન રાખવાની સલાહ આપી. અનુપમ ખેરની માતા ઈમોશનલ થઈ ગઈ અને બોલી, તમે અમારા માટે આટલા પરેશાન થાઓ છો. હું પણ મોદીજી માટે બહુ જ પરેશાન છું. તેઓ પણ સાજા રહે. આપણને આવા પ્રધાનમંત્રી ક્યાં મળશે. ભગવાન તેમને સ્વસ્થ રાખે. તેઓ આપણા બધાં માટે કેટલી દુઆ કરે છે અને મોદીજી હાથ જોડીને કહે છે, કોણ દુનિયામાં હાથ જોડીને કંઈ કહે છે. લોકોને સમજાતું જ નથી.
તમને જણાવી દઈએ કે, થોડાં દિવસ પહેલાં અનુપમ ખેર 4 મહિના બાદ ન્યૂયોર્કથી મુંબઈ પરત ફર્યા હતા અને ખુદને ક્વોરંટાઈન કરી દીધાં છે. અનુપમ ખેર હમેશાં પીએમ મોદીનું સમર્થન કરતા જોવા મળે છે. તેમની માતા પણ પ્રધાનમંત્રીને ખૂબ જ પસંદ કરે છે. આ જ કારણથી આ મુશ્કેલ સમયમાં તેઓ પીએમ મોદીને લઈને ઈમોશનલ થઈ ગયા અને તેમના સારાં સ્વાસ્થ્ય માટે પ્રાર્થના પણ કરી રહ્યાં છે.