એક્ટર અનુપમ ખેર આમ તો કોઇના વખાણ કરવા માટે કંજૂસી નથી કરતા, પરંતુ તાજેતરમાં તેમણે આ એક્ટ્રેસને પોતાની ફેવરેટ એક્ટ્રેસ ગણાવી દીધી.
જી હા, તાજેતરમાં એક્ટર અનુપમ ખેર પોતાની ફેવરિટ એક્ટ્રેસ અનુષ્કા શર્માની સાથે લંડનમાં મળ્યા અને એકબીજા સાથે વાતચીત કરી. અનુષ્કા સાથેની મુલાકાતનો ફોટો અનુપમ ખેરે પોતાના ઑફિશ્યલ સોશ્યલ મીડિયા એકાઉન્ટ પર શૅર કર્યો.
અનુપમ ખેરે જે ફોટો શૅર કર્યો તેમાં તે અનુષ્કા સાથે પોઝ આપી રહ્યા છે. આ ફોટો શૅર કરતા લખ્યુ કે, મારી ફેવરિટ એક્ટ્રેસિસમાંથી એક અનુષ્કા શર્મા સાથે લંડનમાં મુલાકાત થઇ અને જે ખૂબ જ સારી રહી. અમે એકબીજા સાથે વધારે કામ તો નથી કર્યુ, પરંતુ મેં હંમેશા તેમના કામ અને તેમના કૂલ એટિટ્યૂડ માટે તેમના વખાણ કર્યા છે.
આ મુલાકાત વિશે વાત કરતા અનુપમ ખેરે કહ્યુ કે, તેમણે ફિલ્મો, અસફળતાની તાકાત, આર્મી લાઇફ અને વિરાટ વિશે વાતો કરી.
તમને જણાવી દઇએ કે, અનુપમ ખેર અને અનુષ્કા શર્મા 'જબ તક હૈ જાન' અને ‘બદમાશ કંપની’ જેવી ફિલ્મોમાં સાથે કામ કરી ચૂક્યા છે. હાલમાં અનુષ્કા વર્લ્ડકપ માટે પોતાના પતિ અને ટીમ ઇન્ડિયાના કેપ્ટન વિરાટ કોહલીને સપોર્ટ કરવા માટે લંડન પહોંચી છે.