IPLIN
 

બોલિવૂડ / 4 મહિના પછી ન્યૂયોર્કથી પરત મુંબઈ આવ્યો આ દિગ્ગજ એક્ટર, કોરોના વાયરસના ડરથી કર્યું આ કામ

Team VTV 05:16 PM, 21 Mar 20 | Updated: 05:23 PM, 21 Mar 20
Follow us
Anupam Kher landed in Mumbai from America has decided to self quarantine himself

કોરોના વાયરસના પ્રકોપને કારણે વિદેશમાંથી આવનારા સેલેબ્સ ખાસ તકેદારી રાખી રહ્યાં છે. હાલમાં જ બોલિવૂ઼ડના દિગ્ગજ એક્ટર અનુપમ ખેર 4 મહિના બાદ ન્યૂયોર્કથી પરત મુંબઈ આવ્યા છે અને આવતાની સાથે જ સેલ્ફ આઈસોલેશનમાં જતા રહ્યાં છે. એક્ટરે સોશિયલ મીડિયા પર એક વીડિયો શેર કરીને આ વાતની જાણકારી આપી છે. અનુપમ ખેરે એરપોર્ટનો વીડિયો શેર કરતાં ત્યાંના અધિકારીઓ અને ભારતની ખૂબ પ્રશંસા કરી હતી.

  • ન્યૂયોર્કથી 4 મહિના બાદ પરત મુંબઈ આવ્યો આ અભિનેતા
  • આવતા જ સેલ્ફ આઈસોલેશનમાં જતો રહ્યો છે એક્ટર
  • સોશિયલ મીડિયા પર એક વીડિયો શેર કરીને જણાવી આ વાત

અનુપમ ખેરે વીડિયો શેર કરતાં લખ્યું- આખરે ચાર મહિના બાદ ન્યૂયોર્કથી પરત મુંબઈ આવ્યો. એરપોર્ટ પર અધિકારીઓ કેટલીક કડકાઈ, વિનમ્રતા અને સક્ષમતા સાથે કોરોનાની સ્થિતિ સામે લડી રહ્યાં છે એ જોઈને ખૂબ જ આનંદ થયો. હકીકતમાં ભારત એક ઉદાહરણ પૂરું પાડી રહ્યું છે કે, સંકટના સમયે કઈ રીતે તેની સામે લડવું જોઈએ. અધિકારીઓ અને લોકો પર ગર્વ છે. જય હો. 

વીડિયોમાં અનુપમ ખેરે માસ્ક લગાવ્યો છે. અનુપમ ખેરે વીડિયોના માધ્યમથી લોકોને જાણાવ્યું કે, તમે કોઈ જાણીતી વ્યક્તિ હોવ કે કોઈ સામાન્ય માણસ હોવ એરપોર્ટ પર બધાંની સાથે એક જ જેવો વ્યવહાર થઈ રહ્યો છે. અહીંની સાફ-સફાઈ પણ ખૂબ જ સરસ છે. આ બધાંમાં સૌથી સારી વાત એ છે કે, લોકો પણ નિયમોનું પાલન કરી રહ્યાં છે. 

તમને જણાવી દઈએ કે, અનુપમ ખેર અમેરિકન ટેલિવિઝન સીરિઝ ન્યૂ એમ્સ્ટર્ડમમાં કામ કરી રહ્યાં છે. આ સીરિઝમાં અનુપમ ખેર વિજય કપૂરનો રોલ નિભાવી રહ્યાં છે.

ઉલ્લેખનીય છે કે, અત્યાર સુધી દેશમાં 292 લોકો કોરોનાથી સંક્રમિત હોવાના સમાચાર મળ્યા છે. હવે પ્રધાનમંત્રી મોદીએ રવિવારે જનતા કર્ફ્યૂનું પાલન કરવાની અપીલ કરી છે. મોદીએ કહ્યું, રવિવારે ઘરથી બહાર નીકળવું નહીં. સાથે જ સાંજે બાલ્કનીમાં ઊભા રહીને આ મહામારી સામે લડી રહેલાં લોકોને ધન્યવાદ કરો. 

Bollywood actor Anupam Kher Mumbai America four month self quarantine himself
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ