એક્ટર સતીશ કૌશિકના અચાનક નિધનથી બોલિવુડ જગત શોકમાં છે, તેમાં પણ હજી બહાર નથી આવી રહ્યા સતીશ કૌશિકના ગાઢ મિત્ર અનુપમ ખેર.
45 વર્ષ જૂની મિત્રતા અમારી આદત હતી
રોજ સવારે 8થી 8:30 અમે વાત કરતા હતા
અમે એકબીજાની ઇર્ષા કરતા ઝઘડતા પણ તેટલી જ ગાઢ દોસ્તી હતી
લાખો કરોડો લોકોને હસાવનારા એક્ટર સતીશ કૌશિક હવે આપણા વચ્ચે નથી રહ્યાં. 9 માર્ચના રોજ એક્ટરનું કાર્ડિયક અરેસ્ટના કારણે નિધન થયુ હતુ. અનુપમ ખેર અને સતીશ કૌશિકની 45 વર્ષ જૂની મિત્રતા પર હવે પૂર્ણવિરામ મૂકાયુ છે. અનુપમ ખેરનું કહેવુ છે કે સતીશ તેમના જીવનનો એક મહત્વનો ભાગ હતા, છે અને હંમેશા રહેશે.
Letter to my FRIEND!!
My dearest #SatishKaushik!
You will always be part of my life. But I need to move on…. In order to keep your memory alive…… ज़िंदगी तो आगे बढ़ानी पड़ती है…. मैं ज़िंदगी को आगे बढ़ा रहा हूँ मेरे दोस्त….. तुम हमेशा मेरे जीवन का एक अहम हिस्सा बने रहोगे…… https://t.co/iykhPMfvBEpic.twitter.com/OMjOOZ0VsH
મિત્રની યાદમાં ઇમોનલ થયા અનુપમ
અનુપમ ખેર સતીશ કૌશિકને યાદ કરી ફરીએકવાર ઇમોશનલ થયા. પોતાના ઇનસ્ટાગ્રામ પર તેમણે વીડિયો શેર કર્યો છે. અનુપમે વીડિયોમાં કહ્યું- હું તમારી સાથે એટલે વાત કરી રહ્યો છું કારણ કે હું મારા મિત્રના જતા રહેવાથી દુઃખી છું અને આ વાતથી હજી બહાર નથી આવી રહ્યો. સતીશ આપણા વચ્ચે નથી રહ્યો આ વાત મને અંદરથી જ ખાઇ રહી છે. અમારે 45 વર્ષ જૂની ગાઢ મિત્રતા હતી, અમને એકબીજાની આદત હતી, એક એવી આદત જેને છોડવા ઇચ્છતા જ ન હતા. હવે જ્યારથી અમને છોડીને ગયો છે, ત્યારથી હું કંઇ સમજી જ શકતો જ નથી.
વધુમાં અનુપમે કહ્યું, હું આજે વિચારી રહ્યો હતો કે કંઇક ખાવાનું ખાઉ, પણ શું ખાઉં ? પછી વિચાર આવ્યો કે ચલો સતીશને ફોન કરું, મેં ફોન પણ ઉઠાવ્યો અને તેને ફોન લગાવવા જતો હતો ત્યારે યાદ આવ્યું કે હવે તે આપણી વચ્ચે નથી. મારા માટે આ બહુજ મુશ્કેલ છે, કારણે કે 45 વર્ષ બહુ લાંબા સમયગાળો છે, કોઇનુ સાથે રહેવાનું, અમે સપના સાથે જોયા, અમે સાથે જીવનની શરુઆત કરી. નેશનલ સ્કૂલ ઓફ ડ્રામામાં અમે બંને સાથે હતા. તે સમય હતો જુલાઇ 1975 ત્યાર બાદ અમે સાથે જ બેસતા તે ડે સ્કોલર હતો, અને હું હોસ્ટલર હતો. તેના જ ઘરે ખાવાનું બેસવાનું પછી તે બોમ્બે પહેલા આવી ગયો અને હું પછી મુંબઇ આવ્યો. અમે બંનેએ ખૂબ જ મહેનત કરી અને આ મુકામ સુધી પહોંચ્યા અને સફળતા મેળવી.
અનુપમે કહ્યું ઘણી વખત એવુ થતુ હતુ કે અમે એકબીજાની ઇર્ષા કરતા હતા, કાતરીયા ખાતા હતા, ઝઘડતા હતા, પણ રોજ સવારે 8થી 8:30 વાગે અમે એકબીજાને ફોન કરી લેતા હતા. હવે તે નથી તો મારુ કોઇ કાર્યમાં મન જ નથી લાગતુ પણ પછી મેં વિચાર્યુ કે મારે મૂવ ઓન કરવુ પડશે. મારા પિતાનું નિધન થયું તો મેં મૂવ ઓન કર્યું, હવે સતીશ નથી રહ્યો તો પણ મારે મૂવ ઓન કરવુ જ પડશે. જીંદગી આપણને આજ શીખવે છે. પછી મેં વિચાર્યુ કે જે હું વિચારુ છું તે તમારી સાથે પણ શેર કરુ. તો કદાચ મને થોડુ સારુ લાગશે. આટલુ બોલીને જ અનુપમ રડવા લાગે છે પછી પોતાની સંભાળીને આગળ કહે છે કે જીંદગીને આગળ વધારવી પડે છે. હું જીવન સાથે આગળ વધી રહ્યો છું પરંતુ દોસ્ત સતીશ તું હંમેશા મારા જીવનનું એક મહત્વનો ભાગ બની રહીશ.
આ અગાઉ પણ સતીશ કૌશિકની અંતિમ વિદાય દરમિયાન અનુપમ ખેર વિદાય પર રડતા જોવા મળ્યા હતા જેનો એક વીડિયો ઈન્ટરનેટ પર વાયરલ થયો હતો. સતીશ કૌશિકના મૃતદેહને અંતિમ સંસ્કાર માટે એમ્બ્યુલન્સમાં મુંબઈના વર્સોવા શમશાન ઘાટ પર લઈ જવામાં આવ્યો હતો જ્યાં સતીશ કૌશિક પાંચ તત્વો સાથે ભળી ગયા. આ પહેલા સતીશ કૌશિકની અંતિમ વિદાય પર અનુપમ ખેર એમ્બ્યુલન્સમાં હાજર હતા. અનુપમ ખેર પોતાના મિત્રના મૃત્યુના શોકમાં ધ્રૂસકે ધ્રૂસકે રડતા જોવા મળ્યા હતા.