મુંબઈમાં ગઈકાલે સતીશ કૌશિક માટે તેમના પરિવારે પ્રેયર મીટનું આયોજન કર્યું હતું. તેમાં અનુપમ ખેર, જાવેદ અખ્તર સહિત ઘણા સ્ટાર્સ શામેલ થયા.
મુંબઈમાં રાખવામાં આવી સતીશ કૌશિકની પ્રેયર મીટ
અનુપમ ખેર, જાવેદ અખ્તર સહિત આ સ્ટાર્સ થયા શામેલ
પ્રેયર મીટનો અનુપમ ખેરનો વીડિયો વાયરલ
ફિલ્મ અભિનેતા અને ડાયરેક્ટર સતીશ કૌશિક માટે ગઈ કાલે રાત્રે મુંબઈમાં તેમના ઘરે પ્રેયર મીટ રાખવામાં આવી હતી. આ પ્રેયર મીટમાં સતીશ કૌશિકના ઘણા નજીકના લોકો શામેલ થયા. તેમાં સતીશના ખૂબ જ નજીકના મિત્ર અનુપમ ખેર પણ શામેલ થયા હતા. બાદમાં અનુપમ ખેરે પોતાના ઈન્સ્ટાગ્રામ પર સતીશ કૌશિકને યાદ કરતા પોતાના દિલની વાત લખી.
ઈન્સ્ટાગ્રામ પર શેર કર્યો વીડિયો
અનુપમ ખેરે ઈન્સ્ટાગ્રામ પર એક વીડિયો શેર કર્યો, જેમાં તે સતીશ કૌશિકને શ્રદ્ધાંજલી આપતા જોવા મળી રહ્યા છે. તેની સાથે જ તેમણે પોતાના મનની વાત પણ લખી હતી. અનુપમ ખેરે લખ્યું, "જા, તને માફ કર્યો, મને એકલા મુકીને જવા માટે. મેં એમ પણ તમને અમુક લોકોની સ્માઈલમાં શોધી લઈશ."
અનુપમ ખેર થયા ભાવુક
તેની સાથે જ અનુપમ ખેરે કહ્યું કે તે સતીશ કૌશિકની મિત્રતાને ખૂબ જ મિસ કરે છે. તેમણે લખ્યું, "અલવિદા મારા મિત્ર, તારૂ ફેવરેટ ગીત લગાવ્યું છે બેકગ્રાઉન્ડમાં. તુ પણ શું યાદ કરીશ."
જણાવી દઈએ કે સતીશ કૌશિક અને અનુપમ ખેરની મિત્રતા લગભગ ચાર દાયકા જુની હતી. તેમના અચાનક જવાથી અનુપમ ખેરને આઘાત લાગ્યો છે. ઘણી વખત તે પોતાનું દુખ વ્યક્ત કરી ચુક્યા છે.
હાર્ટ એટેકથી થયું હતું સતીશ કૌશિકનું નિધન
તમને જણાવી દઈએ કે હોળી સેલિબ્રેટ કરવા માટે દિલ્હી ગયેલા સતીશ કૌશિકનું 9 માર્ચે રાત્રે હાર્ટ એટેકના કારણે નિધન થયું હતું. રિપોર્ટના જણાવ્યા અનુસાર અડધી રાત્રે તેમની તબિયત બગડી હતી.
અમુક સમય બાદ તેમને કારમાં બેસાડી હોસ્પિટલ લઈ જવામાં આવ્યા. પરંતુ રસ્તામાં જ તેમને હાર્ટ એટેક આવી ગયો અને હોસ્પિટલ પહોંચવા પર તેમને મૃત જાહેર કરી દીધા.