આજકાલ અનુભવ સિન્હા પોતાની ફિલ્મ 'ભીડ'ને લઈને ચર્ચામાં છે. હાલમાં જ ફિલ્મનો ટ્રેલર રિલીઝ થયો છે જેના બાદ તેઓ વિવાદમાં અટવાઈ ગયાં છે.
અનુભવ સિન્હાની ફિલ્મ 'ભીડ' વિવાદમાં
પ્રધાનમંત્રીનાં વોઈસ ઓવરનો ઉપયોગ કર્યો હોવાથી વિરોધ
ટ્રેલરમાં ફેરફાર કરી ફરી કરવામાં આવ્યું રિલીઝ
કોરોના વાયરસ દરમિયાન લોકડાઉનમાં પ્રવાસી મજૂરોની મુશ્કેલીઓને આ ફિલ્મ રજૂ કરે છે. જેના કારણે કેટલાક લોકો આ ફિલ્મને 'ભારત વિરોધી' જણાવી રહ્યાં છે. તેવામાં ફિલ્મમેકરે ટ્રેલરમાં ફેરફાર કરીને તેમાંથી પ્રધાનમંત્રી નરેન્દ્ર મોદીના અવાજને દૂર કર્યું છે. હવે સિન્હાએ પોતાની ફિલ્મ ભીડને લઈને થઈ રહેલા વિરોધ પર નિવેદન આપ્યું છે.
ભીડ ફિલ્મમાં કોરોના મહામારીનાં દ્રશ્યો દર્શાવાયા છે
ભીડમાં કોરોના મહામારી દરમિયાન લોકોની મુશ્કેલીઓની તુલના 1947માં થયેલા દેશનાં વિભાજન સાથે કરવામાં આવી છે જેને લઈને વિરોધ થઈ રહ્યો છે. ટ્રેલરે ભાગલાની ભયાનકતા, 1947નાં ગંભીર દ્રશ્યો અને 2020નાં લોકડાઉન દરમિયાનનાં ફોટોની સાથે એક વોઈસ ઓવરમાં કહ્યું હતું કે 'દેશમાં ફરી એકવાર થયા હતાં ભાગલા. 2020માં...' આ લાઈન પર આપત્તી દર્શાવતાં ફિલ્મને 'ભારત વિરોધી' કહેવામાં આવી રહ્યું છે.
ફેરફાર કરીને ફરી રિલીઝ કરવામાં આવ્યું ટ્રેલર
ટ્રેલરની શરૂઆત પ્રધાનમંત્રી દ્વારા કરવામાં આવતી લોકડાઉનની ઘોષણા સાથે કરવામાં આવે છે અને પોલીસ દ્વારા પ્રવાસી શ્રમિકોને મારવાનાં દ્રશ્યો પણ દેખાડવામાં આવ્યાં છે. આ બંનેને હવે દૂર કરવામાં આવ્યાં છે અને નવા ટ્રેલરમાં કોઈક અન્યનો અવાજ સંભળાઈ રહ્યો છે.
પ્રધાનમંત્રીનાં વોઈસ ઓવર અંગે કરી વાત
મીડિયા સાથેની વાતચીત દરમિયાન પ્રધાનમંત્રીનો વોઈસ ઓવર દૂર કરવા બાબતે અનુભવ સિન્હાએ કહ્યું કે "ટ્રેલરમાં હજુ પણ ફેરફારો છે પરંતુ આ એક જ મોટી ખબર બની ગઈ છે." તેમણે કહ્યું કે" દરેક ફિલ્મ પડકારોનો સામનો કરે છે. ફિલ્મ થપ્પડમાં હું અમૃતા પ્રીતમની કવિતાનો ઉપયોગ કરવા ઈચ્છતો હતો પરંતુ રિલીઝનાં એક દિવસ પહેલાં જ મારે તેને બદલવું પડ્યું."
ભીડની કહાણી વિશે કરી વાત
તેમણે પોતાની આગળ વધારતા કહ્યું કે તેનાથી કોઈને ફરક ન પળ્યો, કેમ? મને રાતોરાત એક કવિતા લખવી પડી, પંજાબી લિપ સિંકની સાથે. હું દિલ્હીમાં હતો, કુમુદ મિશ્રા મુંબઈથી તેની ડબિંગ કરી રહ્યાં હતાં. આ એક રસપ્રદ કહાણી છે, પ્રધાનમંત્રીનો વોઈસ ઓવર હટાવવું નહીં.