નિર્ણય / અનુ મલિકને MeTooના આરોપો પર કામ ન આવ્યો ઓપન લેટર, છોડવો પડ્યો આ શૉ

• સોની ટીવીને રાષ્ટ્રીય મહિલા આયોગે નોટિસ
• અનુ મલિક હવે ઇન્ડિયન આઇડલ 11થી બહાર
• મારા પર આ ખોટા આરોપ લગાવવામાં આવ્યા

સિંગર અને કંપોઝર અનુ મલિક પર કેટલીક મહિલાઓએ #MeToo મુવમેન્ટ હેઠળ યૌન શોષણના આરોપ લગાવ્યા હતા. જ્યારબાદ હવે અનુ મલિકને સિંગિંગ રિયલિટી શો ઇન્ડિયન આઇડલ 11 છોડી દીધું છે. અનુ મલિકને ગત દિવસોમાં સોશિયલ મીડિયા પર વિવાદ સર્જાયા બાદ એક ઓપન લેટર પણ લખ્યો હતો. પરંતુ વિવાદ ન અટકતા બાદમાં અનુ મલિકે શોથી બહાર જવાનો નિર્ણય કર્યો છે.

સૂત્રો દ્વારા મળતી માહિતી અનુસાર, અનુ મલિક હવે ઇન્ડિયન આઇડલ 11થી બહાર થઇ ચૂક્યા છે. જોકે તેમની જગ્યા કોઇ મ્યૂઝિક કંપોઝરને રિપ્લેસ કરાયા છે, તેની જાણકારી સ્પષ્ટરીતે સામે નથી આવી. અનુ મલિક પર લાગેલ આરોપો બાદ સોની ટીવીને રાષ્ટ્રીય મહિલા આયોગે નોટિસ મોકલી હતી. આયોગે નોટિસને પોતાના અધિકારિક ટ્વિટર હેન્ડલ પર પણ શેર કરી હતી.

@NCWIndia has taken Suo-motu cognizance of this matter and send a notice to Sony Entertainment Television @sharmarekha @MinistryWCD @PMOIndia pic.twitter.com/gTUStj9ixC

— NCW (@NCWIndia) November 21, 2019

વિવાદ બાદ અનુ મલિકે લખ્યો હતો ઓપન લેટર

અનુ મલિકે થોડા દિવસો અગાઉ પોતાના પર લાગેલ મીટૂ આરોપો પર પોતાનું મૌન તોડ્યું હતું. તેમણે #MeToo આરોપોને નકારતા એક ઓપન લેટર ટ્વિટર પર શેર કર્યો હતો. જેમાં તેમણે લખ્યું હતું કે, છેલ્લા એક વર્ષથી મારા પર કેટલાક એવા આરોપો લગાવવામાં આવી રહ્યા છે જે મે કર્યા જ નથી. હું આટલા દિવસ ચૂપ રહ્યો, રાહ જોતો રહ્યો કે સત્ય પોતાની જાતે સામે આવી જશે. પરંતુ હવે મને એવું લાગી રહ્યું છે કે મારા ચૂપ રહેવાને મારી કમજોરી સમજવામાં આવી રહી છે. જ્યારે મારા પર આ ખોટા આરોપ લગાવવામાં આવ્યા છે ત્યારથી મારી પ્રતિષ્ઠા, મારા અને મારા પરિવારના માનસિક સ્વાસ્થ્ય પર ખુબ ખરાબ અસર પડી છે. આ આરોપોએ મને અને મારા કરિયરને બરબાદ કરી દીધું છે. હું ખુદને હેલ્પલેસ, અવગણના અને કચડાયેલ અનુભવ કરી રહ્યો છું.

આ બહુ શરમજનક છે કે જીવનના આ પડાવમાં મારા નામની સાથે આટલા ગંદા શબ્દો અને ડરાવી દેનારી ઘટનાઓને જોડવામાં આવી રહી છે. આ વિશે પહેલા શા માટે સવાલ ન કરવામાં આવ્યા? આ આરોપ ત્યારે જ કેમ ન લગાવવામાં આવ્યા જ્યારે હું ટીવી પર પરત આવ્યો જે કે આ સમયે મારો એકમાત્ર રસ્તો છે. બે દીકરીઓનો બાપ હોવાના નાતે હું આ પ્રકારના કામ કરવાનું વિચારી પણ નથી શકતો. શો ચાલુ રહેવો જોઇએ... પરંતુ આ હંસતા ચેહરા પાછળ...હું તકલીફમાં છું. હું કોઇ અંધારામાં છું. મને બસ ન્યાય જોઇએ.