પોલીસ ક્યાં? / VIDEO: કોના બાપની દિવાળી..! સિંધુભવન પર નબીરાઓએ ચાલતી ગાડીએ બોનેટ પરથી તારમંડળો સળગાવ્યા, રાહદારીઓના જીવ અધ્ધર

• આ નબીરાને કેમ ન અટકાવ્યા?
• સિંધુભવન રોડના પર સ્ટંટબાજો કોણ છે?
• સિંધુભવન રોડને બાનમાં લેનારા આ કોણ છે?

ભાઈ ખિસ્સામાં પૈસા છે.. અને બાપા કદ્દાવર નેતા કે પછી બીઝનેસમેન તો કોઈનાથી ડરવાની જરૂર નથી.. મનફાવે તેમ કાયદાના લીરા ઉડાવી શકાઈ છે.. અને પોલીસ એતો કાંઈ મહીં બગાડી શકે.. બાપા કેવા છે દબાબવા માટે.. આવું અમે નથી કહેતા.. પરંતુ દિવાળીની રાત્રે અમદાવાદના રસ્તાઓ પરથી સામે આવેલા મોટા મા-બાપના નબીરાઓના વીડિયો કહે છે.. આવો તમને વાયરલ વીડિયો જ બતાવી દઈએ..

કાર ચાલકો અને બાઇક પર જનારા લોકો જોખમી રીતે ફોડાતા ફટાકડાને કારણે ડર્યા 
ભાઈ મોટા મા-બાપના નબીરા કેવા હોય તે તમારે જોવું હોય તો આ વીડિયો જ જોઈ લો. સોશિયલ મીડિયામાં વાયરલ થયેલ આ વીડિયો આપણા ગુજરાતના અમદાવાદ શહેરનો જ છે. જ્યાં હંમેશા લોકોથી ધમધમતા સિંધુભવન રોડ પર દિવાળીની રાત્રે મોટા મા-બાપના નબીરા સ્કોર્પિયો ગાડી પર આ રીતે ફટાકડા ફોડતા નજરે પડયા. વીડિયોમાં બે નબીરા ગાડીના બોનેટ પર બેઠા છે. જ્યારે ત્રણ દરવાજા પર લટકેલા છે. અને ગાડી પર ફટાકડાનું બોક્સ રાખ્યું છે. જેમાંથી ચાલુ ગાડીએ રોડ પર ફટાકડા ફૂટી રહ્યા છે..  

અરાજકતા સાથે ઉત્સવોની ઉજવણી કરનારા તત્વો પોલીસ માટે પડકારરૂપ
હવે જરા નબીરાની આ હરકત જુઓ. સુતરી બોમ્બનું એક આખું બોલસ રોડની વચ્ચે મુકી દીધું. અને પછી એક સુતરી બોમ્બ સળગાવી તેમાં મૂકી દીધો તે બાદ સુતરી બોમ્બના ધડાકા જોઈ વાહન ચાલકોએ દૂર પોતાના વાહનો રોકાવી દીધા.. કારણ કે, ભાઈ એક સુતરી બોમ્બ ભૂલથી પણ ગાડીમાં ઘુસી ગોય તો દુર્ઘટના ઘટી શકે છે. જોકે ટ્રાફિક જામ થયો. પરંતુ આ નબીરાઓને રોકનારું કોઈ નહોતું. કારણ કે, અમદાવાદની પોલીસ ઊંઘતી હતી. જોકે નબીરાઓ જે કાર પર સ્ટંટ કરી રહ્યા હતા કે કારનો નંબર છે GJ8-BS 9 પરંતુ આ નબીરાઓ કોણ છે. અને હજુ સુધી કેમ અમદાવાદની પોલીસ ઊંઘી રહી છે તે સૌથી મોટો સવાલ છે.

સોશિયલ મીડિયા પર રીલ્સ બનાવવા કાર પર ચઢીને બનાવ્યો વીડિયો
સાથે જ એક સવાલ એ પણ છે કે, શું આ સંસ્કારહીન નબીરાઓને પકડતા અમદાવાદની પોલીસને પણ ડર લાગે છે? એવા તો કયા મોટા મા-બાપના નબીરા છે કે, પોલીસ આટલી મોટી ઘટના પાછળ પણ ચૂપ છે.. હાલ તો આ વીડિયો ખુબ વાયરલ થઈ રહ્યો છે.. ત્યારે જોવાનું એ રહેશે કે, આ નબીરાને પોલીસ પકડી શકે છે કે પછી ગંભીર ઘટનાને પણ પૈસાના પાવર સામે દબાવી દે છે.

VTV ગુજરાતીના સળગતા સવાલ

• અમદાવાદના સિંધુભવન રોડને બાનમાં લેનારા નબીરાઓ કોણ છે?
• જાહેર રોડ પર જોખમી રીતે દિવાળીની ઉજવણી કેમ?
• દિવાળીની ઉજવણીમાં નિયમો નેવે કેમ મુકાયા?
• જાહેર રસ્તા પર આડેધડ બોમ્બ ફોડીને આ શખ્સો શું સાબિત કરવા માગે છે?
• રાહદારીઓને બાનમાં લઇને રસ્તા પર ફટાકડા કેમ ફોડ્યા?
• શું આ નબીરાઓ નશામાં હતા?
• ઉજવણીના નામે સ્ટંટબાજી કેમ કરે છે યુવાનો?
• સિંધુભવન પર વધતી સ્ટંટબાજીને અટકાવવા પોલીસ શું કરે છે?
• ટ્રાફિકજામ થયો,લોકો પરેશાન થયા તો પોલીસે શું કર્યુ?
• આકાશમાં કરવાની આતશબાજી રસ્તા પર કેમ કરી?
• આ શખ્સોએ કોની વગનો ફાયદો ઉઠાવ્યો?
• કાર નંબર પરથી આ શખ્સો પર સકંજો કસાશે?