ધરપકડ / દિલ્હીના જામિયા નગરથી પતિ-પત્નીની ધરપકડ, દિલ્હી હિંસા અને ISIS સાથે જોડાયેલા છે તાર

• ISIS સાથે સંકળાયેલા બે શંકાસ્પદ આતંકીઓને દિલ્લી પોલીસે ઝડપી પાડ્યાં
• દિલ્લી પોલીસ કમિશનરે કહ્યું, આ દંપતિ ISISના ખોરાસન મોડ્યુલ સાથે સંકળાયેલું છે
• આ દંપતિ કેટલાક સમયથી ઇન્ટેલિજન્સ એજન્સીઓના રડાર પર હતું

દિલ્લી પોલીસ કમિશનરે જણાવ્યું કે આ દંપતિ ISISના ખોરાસન મોડ્યુલ સાથે સંકળાયેલું છે. જામિયાનગરમાં આ દંપતિ CAA વિરૂદ્ધ પ્રદર્શન કરી રહ્યું હતું ત્યારે પોલીસે ઝડપી પાડ્યું છે. હાલ પોલીસે બંનેની ધરપકડ કરી વધુ પૂછપરછ હાથ ધરી છે.

આ બંને પર CAAની વિરુદ્ધ હિંસા ભડકાવવાનો આરોપ છે. દિલ્હી પોલીસનો દાવો છે કે જહાંજેબ સામી અને હીના બશીરના તાર ISISના ખોરાસન મોડ્યુલ સાથે જોડાયેલા છે. 

બંને પતિ-પત્ની જમ્મૂ કાશ્મીરના શ્રીનગરના રહેવાસી છે. પ્રાપ્ત જાણકારી મુજબ આ દંપતિએ 'ઇન્ડિયન મુસ્લિમ યુનાઇડેટ'ના નામથી એક સોશિયલ મીડિયા પેજ બનાવ્યું છે. જેનો ઉદ્દેશ્ય નાગરિકતા સંશોધન અધિનિયમ (CAA) અને ભારતીય નાગરિકોના રાષ્ટ્રવ્યાપી રજિસ્ટરની વિરુદ્ધ પ્રદર્શનકારીઓ એક કરવાનું છે. 

પોલીસે કહ્યું કે આ દંપતિ કેટલાક સમયથી ઇન્ટેલિજન્સ એજન્સીઓના રડાર પર હતું. પોલીસે ખુલાસો કર્યો કે તેઓ ગત વર્ષે ઓગસ્ટમાં દિલ્હી રહેવા આવી ગયા હતા.