ફાયદાકારક / એન્ટીસેપ્ટિક અને એન્ટીબાયોટિક ગુણોથી ભરપૂર આ વસ્તુ એન્ટીએજિંગનું કરે છે કામ, ચહેરા પર નહીં પડે કરચલીઓ

હળદરના કેટલાક નેચરલ ફેસપેક

• 1 ચમચી હળદરમાં 1 ચમચી ચણાનો લોટ, 1 લીંબુનો રસ અને 2-3 ચમચી દહીં મિક્સ કરી ચહેરા પર લગાવો. 10 મિનિટ પછી પાણીથી ધોઈ લો.
• 2 ચમચી હળદરમાં 1 ચમચી મધ અને 1 ચમચી ઓલિવ ઓઈલ મિક્સ કરીને સ્કિન પર લગાવો. સ્કિનની ડ્રાયનેસ દૂર થશે અને ગ્લો વધશે.
• 1 ચમચી ઓલિવ ઓઈલમાં 1 ચમચી હળદર પાઉડર મિક્સ કરીને ચહેરા પર મસાજ કરો. આ ઉપાયથી કરચલીઓ દૂર થશે.
• બટાકાના રસમાં હળદર મિક્સ કરીને આંખોની નીચે ડાર્ક સર્કલ પર લગાવો. સૂકાયા બાદ ધોઈ લો. ડાર્કનેસ દૂર થવા લાગશે.
• 2 ચમચી લોટના ચોકરમાં 1 ચમચી હળદર અને થોડું કાચું દૂધ મિક્સ કરી પેસ્ટ બનાવી કોણી પર લગાવો. કોણીની કાળાશ દૂર થશે.
• મલાઈમાં હળદર પાઉડર મિક્સ કરીને ચહેરા પર લગાવો. 15 મિનિટ બાદ ધોઈ લો. ચહેરો ઝડપથી ગ્લો કરવા લાગશે.
• 2 ચમચી હળદરમાં 1 ચમચી મધ અને ગુલાબજળ મિક્સ કરીને ગરદન પર લગાવો. સૂકાયા બાદ ધોઈ લો. આનાથી ગરદનની કાળાશ દૂર થશે.
• ટામેટાંના રસમાં ગુલાબજળ અને હળદર પાઉડર મિક્સ કરીને લગાવવાથી સન ટેનિંગ દૂર થાય છે. આ સ્કિનનો ગ્લો વધારવામાં મદદ કરે છે.
• 1 ચમચી હળદરમાં 1 ચમચી ચંદન પાઉડર અને 2 ચમચી દહીં મિક્સ કરીને લગાવવાથી ડાઘ-ધબ્બા દૂર થાય છે.