"દુશ્મનો કો ઢિશૂમ ઢિશૂમ" ભાજપના પૂર્વ ધારાસભ્યના વાયરલ વીડિયોનો વળતો જવાબ

કચ્છઃ ભાજપના પૂર્વ ધારાસભ્ય અને 2017 વિધાનસભાની ચૂંટણીમાં હારી ગયેલા અબડાસા બેઠક પરના ભાજપના ઉમેદવાર છબીલ પટેલે દુશ્મનોને ટાર્ગેટ કરતો એક વીડિયો વાઈરલ કર્યો હતો. ત્યારે તેના જવાબમાં ભાજપના જ કચ્છના બે આગેવાનો નરેન્દ્રસિંહ જાડેજા અને અનિરુદ્ધસિંહ જાડેજાએ છબીલ પટેલને જવાબ આપતો વીડિયો વાઈરલ કર્યો હતો.

જેમાં તેઓએ હાથમાં પિસ્તોલ રાખીને છબીલ પટેલને સ્પષ્ટ શબ્દોમાં જવાબ આપ્યો છે કે આંગળીઓથી નહીં પરંતુ જે સાધન મારા હાથમાં છે તેનાથી ઢિશૂમ ઢિશૂમ થાય છે અને તેનાથી જ દુશ્મન મરે છે.

મિત્રો ચિંતા ન કરતા દુશ્મનો કો ઢિસ્કયાઉં...ઢિસ્કયાઉં....
ભાજપના પૂર્વ ધારાસભ્ય છબિલ પટેલનો એક વીડિયો વાયરલ થયો છે. જેમાં તે ધમકી આપતા નજરે પડી રહ્યા છે. છબિલ પટેલ વીડિયોમાં દુશ્મનોને ઉડાડી દેવાની ધમકી આપી રહ્યા છે. છબિલ પટેલ પોતાના સમર્થકોને કહી રહ્યા છે કે મિત્રો ચિંતા ન કરશો.

મહત્વનું છે કે છબિલ પટેલ અબડાસા વિધાનસભા બેઠક પર હારી ગયા હતા. ત્યારે હાર બાદ આંતરિક જૂથવાદની વાત સામે આવી છે. તેવામાં આ ધમકી આપતો વીડિયો વાયરલ થયો હતો.