gseb દ્વારા ધોરણ-12 સાયન્સમાં લેવાયેલી MCQ પરીક્ષાની આન્સર કી જાહેર કરી છે. આ સાથે રસાયણશાસ્ત્રના પેપરમાં એક માર્કનું ગ્રેસિંગ આપવાનો નિર્ણય લેવામાં આવ્યો છે.
ધો-12 સાયન્સ MCQ પરીક્ષાની આન્સર કી જાહેર
રસાયણશાસ્ત્રના પેપરમાં એક માર્કનું અપાશે ગ્રેસિંગ
www.gseb.org પર પ્રોવિઝનલ આન્સર કી મુકાઇ
રસાયણશાસ્ત્રના પેપરમાં એક માર્કનું અપાશે ગ્રેસિંગ
ઉલ્લેખનીય છે કે, આ વર્ષે પણ ધોરણ-12 સાયન્સની પરીક્ષામાં 50 ટકા MCQ પ્રશ્નો હતાં. ત્યારે આજે ગુજરાત શિક્ષણ બોર્ડ દ્વારા બોર્ડની વેબસાઇટ www.gseb.org પર પ્રોવિઝનલ આન્સર કી જાહેર કરવામાં આવી છે. જેમાં ગણિતમાં ત્રણેય માધ્યમમાં એક પ્રશ્નમાં બે વિકલ્પ સાચા ગણવામાં આવ્યાં છે. તેમજ કેમિસ્ટ્રીમાં ગુજરાતી અને હિન્દી માધ્યમમાં તેમજ અંગ્રેજી માધ્યમમાં એક પ્રશ્ન તેના જવાબો સાથે મેળ ખાતો ન હોવાથી નિષ્ણાંતોના અભિપ્રાયના આધારે એક ગુણ તમામ વિદ્યાર્થીઓને સમાન પણે પ્રદાન કરવામા આવશે.જ્યારે કેમિસ્ટ્રીના અંગ્રેજી માધ્યમના પેપરમાં એક પ્રશ્નમાં બે વિકલ્પ સાચા ગણાશે. ઉપરાંત ફિઝિક્સમાં એક પ્રશ્નમાં બે વિકલ્પ સાચા છે અને બાયોલોજીમાં અંગ્રેજી માધ્યમમાં એક પ્રશ્નમાં ત્રણ વિકલ્પ સાચા ગણાશે.
આન્સર કી અંગે કોઈ વાંધા રજૂઆત 28 એપ્રિલ સુધીમાં કરી શકાશે
આ પ્રોવિઝનલ આન્સર કીમાં જો કોઈ વાંધા રજૂઆત હોય તો [email protected] પર ઈ-મેઈલ કરી બોર્ડને ઓનલાઈન નિયત નમૂનામાં મોકલવાની રહેશે અને જે 28મી એપ્રિલ સુધી મોકલી શકાશે. જેના પ્રશ્ન દીઠ 500 રૂપિયા ફી વાંધા રજૂઆત સાથે ભરવાની રહેશે.પ્રશ્નની રજૂઆત સાચી ઠરશે તો ઉમેદવારને 500 રૂપિયા ફી પરત કરી દેવાશે.