કોરોના બાદ બોલીવુડમાં લગ્નની સિઝન આવી છે. અનેક ફિલ્મો અને વેબસીરીઝમાં આવી ચૂકેલા અંશુમાન ઝાના લગ્ન સાથેના સમાચાર આવ્યાં છે. તેઓ પોતાની અમેરિકાની ગર્લફ્રેન્ડની સાથે આ વર્ષે લગ્નની તૈયારીઓ કરી રહ્યાં છે.
અંશુમાન અને સિએરા આ વર્ષે 29 ઓક્ટોબરે અમેરિકામાં કરશે લગ્ન
‘મસ્તરામ’ના ઘરે વાગશે શરણાઈ
કોરોનાકાળમાં ઓટીટી પર લોકપ્રિય વેબસીરીઝ મસ્તરામથી યુવાનોની વચ્ચે ઝડપથી જાણીતા બનેલા અંશુમાન ઝા લગ્ન કરવા જઇ રહ્યાં છે. અમેરિકન ગર્લફ્રેન્ડ સિએરા વિન્ટર્સની સાથે અંશુમાન આ વર્ષે લગ્ન કરી રહ્યાં છે. આ લગ્ન અમેરિકામાં થશે. ત્યારબાદ બંને અલાસ્કામાં હનીમુન જશે તેવા અહેવાલ છે અને ત્યાંથી પાછા ફર્યા બાદ તેના સંબંધીઓ-મિત્રો-પરિચિતોને રિસેપ્શન આપશે. અંશુમાન અને સિએરા લાંબા સમયથી રિલેશનશિપમાં છે અને તેમણે 2020માં સગાઈ પણ કરી હતી. પરંતુ ત્યારબાદ તેઓ કોરોના મહામારી પૂર્ણ થવાની રાહ જોતા હતા. કારણકે તેઓ લગ્ન કરી શકે.
અંશુમાન અને સિએરા આ વર્ષે 29 ઓક્ટોબરે અમેરિકામાં લગ્ન કરશે. જો કે, સિએરા ગયા વર્ષે ભારત શિફ્ટ થઇ ગઇ છે અને બંનેના પરિવાર હાલમાં વીઝાની પ્રક્રિયાને ઉકેલવામાં લાગ્યા છે. કારણકે લગ્ન સમારોહમાં સાથે રહીને તેની મજા લઇ શકે. અમેરિકામાં આ વર્ષે લગ્ન કર્યા બાદ ભારતમાં પણ બંને લગ્ન કરશે. હિન્દુ રીતિ-રિવાજ મુજબ આ લગ્ન માર્ચ 2023માં થશે. બંને પરિવારોમાં આ લગ્નને લઇને તૈયારીઓ ચાલી રહી છે. અંશુમાન મુજબ સિએરા ભારતીય રિતી-રિવાજ સાથે લગ્ન કરવા માંગે છે અને મારી માંની પણ આ ઈચ્છા છે.